Amb.Kim flet për përvjetorin e Masakrës Komuniste të Tiranës të nëntorit 1944

Mesazhi nga ambasadorja amerikane Juri Kim:

“Demokracia që kemi sot mund të mos jetë perfekte, mund të mos jetë e përsorsur por është e rëndësishme të kujtojmë se është arritur përmes gjakut e djersës së të gjithë atyre personave që luftuan e punuan.

Është gjë e çmuar e të gjithë ne duhet të mbrojmë” deklaroi ambasadorja e SHBA-së Yuri Kim në fjalën e saj në aktivitetin e organizuar sot në përkujtim të Masakrës Komuniste të Tiranës e Nëntorit 1944

Gjithashtu nënvizoi se është e rëndësishme që të kujtohen pasojat e komunizimit dhe të mos harrohen kurrë.

“Është e rëndësishme të kujtojmë të gjithë këta njerëz tmerret që kanë kaluar këta persona.

Është e rëndësishme të kujtojmë burra e gra trima, nga të gjitha formacionet politike, nga të gjithë anët e Shqipërisë që patën guximin të rrezikonin jetën madje ta humbin atë”

Sot në Tiranë u mbajt ceremonia e Inagurimit të Ekspozitës “Në Emër të Amerikës”.

“Në emër të Amerikës”, kështu titullohet ekspozita e hapur në sheshin “Skënderbej” në kuadër të 75-vjetorit të largimit të misionit amerikan “Në emër të Amerikës” nga diktatura komuniste.

Ekspozita është vizituar dhe nga ambasadorja e SHBA-ve në Tiranë Yuri Kim, e cila ka mbajtur dhe një fjalë të rastit.

Ambasadorja Kim kujtoi qëndrimin e Presidentit Wilson për një Shqipëri të lirë dhe të pavarur me rënien e perandorisë osmane, teksa theksoi se pavarësisht se çfarë mund të ndodhë brenda ose jashtë Shqipërisë, pozita e SHBA-ve nuk do të ndryshojë.

“Këtë vit festuam dhe 30-vjetorin e rivendosjes së marrëdhënieve diplomatike mes Shqipërisë dhe SHBA-ve.

Të gjithë jemi në dijeni për fillimin e këtyre marrëdhënieve me rënien e perandorisë osmane.

Jam shumë krenare si amerikane që ishte presidenti Wilson që tha se Shqipëria është një vend, është një komb dhe meriton të jetë e pavarur dhe e lirë.

SHBA-të nuk janë lëkundur kurrë, ju e meritonit të ishit një vend i lirë dhe i pavarur.

Pavarësisht se çfarë mund të ndodhë brenda ose jashtë Shqipërisë, kjo pozitë nuk ka për të ndryshuar.

Pas përfundimit të LIIB, një mision vëzhguesish amerikanë ishin vendosur në Tiranë për të rivendosur marrëdhëniet mes SHBA-ve dhe Shqipërisë, por qeveria komuniste ishte kundër.

Diktatura komuniste filloi të mbyllte vendin, duke ndërtuar qindra bunkerë të panevojshëm.

Kjo është arsyeja pse është dhe kjo ekspozitë sot, komunistët nuk donin vetëm ta mbyllnin vendin fizikisht, por edhe shpirtërisht.

Ajo që ndodhi ishte që me qindra persona filluan të persekutoheshin duke i dërguar në kampe përqendrimi. Është një histori persekutimi dhe brutaliteti, por gjithashtu një histori qëndrese dhe dinjiteti.

Është e rëndësishme të kujtojmë gjithë këta njerëz, gjithë ato tmerre që këta njerëz kanë kaluar, të kujtojmë ato burra dhe gra.
Demokracia që kemi sot mund të mos jetë perfekte, mund të mos jetë e plotë, por është e rëndësishme të kujtojmë se ajo është blerë përmes gjakut e djersës. Është një gjë e çmuar dhe të gjithë ne duhet ta mbrojmë atë”, deklaroi ambasadorja Yuri Kim.

Comment

*