Amb.Kim: Spaçi të ruhet si monument kombëtar shqiptar, kujton ata që vuajtën

Ambasadorja e SHBA-ve në vendin tonë, Yuri Kim ka zhvilluar sot një vizitë në ish-kampin e burgut politik të Spaçit.

Yuri Kim tregon dëshminë e një ish të burgosuri politik që kaloi 18 vite atje sepse ishte arratisur në Jugosllavi,

Ajo shkruan se Spaçi duhet të ruhet, në përputhje me statusin e tij si një monument kombëtar shqiptar, për të kujtuar ata që vuajtën.

Yuri Kim: Iu bashkova disa Ambasadorëve sot në një vizitë në kampin e burgut politik në Spaç (“Reparti i Riedukimit 303”). Ky vend është dëshmi e qartë dhe e tmerrshme e ligësisë – nuk ka fjalë tjetër përveçse “ligësisë” – së Enver Hoxhës dhe komunizmit. Ish i burgosuri Zenel Drangu, i cili kaloi 18 vjet në Spaç sepse ishte arratisur në Jugosllavi, na tregoi për ashpërsinë e përditshme që u shkaktohej njerëzve aty: rrahjet, puna skllavëruese, nxjerrja në kushte ekstreme të motit, keqinformimi, ngjallja e dyshimeve të ndërsjella, aktet imorale të sadizmit – të gjitha të krijuara për t’i zhveshur njerëzit nga dinjiteti, logjika dhe shpresa. Spaçi duhet të ruhet, në përputhje me statusin e tij si një monument kombëtar shqiptar, për të kujtuar ata që vuajtën, për të nderuar ata që luftuan dhe për të na kujtuar të gjithëve ne se nuk duhet të lejojmë që kjo ligësi të ndodhë më kurrë.

Yuri Kim viziton Spaçin: Të ruhet si një monument kombëtar