Prishtinë, 25 janar 2023 – Ambasadori i Gjermanisë në Kosovë, Jorn Rohde, tha se “pajtohet plotësisht” me deklaratat e këshilltarit të Departamentit amerikan të Shtetit, Derek Chollet, sa i përket shtyrjes përpara të diskutimeve për Asociacionin e komunave me shumicë serbe në Kosovë.
“Jam plotësisht dakord: është shumë e rëndësishme të çojmë përpara diskutimin për Asociacionin e komunave me shumicë serbe. Është mirë të dëgjosh se ministri i Kosovës Nenad Rashiq ka konfirmuar pjesëmarrjen e tij në diskutimin e planifikuar për këtë çështje më 31 janar në Ambasadën amerikane në Prishtinë”, shkroi Rohde në Twitter.
I fully agree: It is very important to move the discussion on ASM forward. Good to hear that Kosovan Minister Nenad Rasic has confirmed his participation in the planned ASM discussion on Jan 31 at the @USEmbPristina. https://t.co/wHs8OzdyzV
— Ambassador Jörn Rohde (@GermanAmbKOS) January 25, 2023
Ambasada amerikane në Prishtinë ka paralajmëruar për datën 31 janar një diskutim për Asociacionin e komunave me shumicë serbe në Kosovë, ku janë ftuar përfaqësues të shoqërisë civile, qeveritarë dhe përfaqësues të partive politike.
Ministri për Komunitete dhe Kthim në Qeverinë e Kosovës, Nenad Rashiq, konfirmoi të martën se do të marrë pjesë në këtë diskutim.
Një ditë më parë, Chollet, tha se ka inkurajuar kryeministrin e Kosovës, Albin Kurti, që të pranojë propozimin e BE-së për normalizimin e marrëdhënieve me Serbinë.
(r.m.)