Ambasadorja Kim mesazh të fortë për Reformën në Drejtësi: Mos u dorëzoni! Tani është koha të vazhdojmë përpara

Ambasadorja Yuri Kim në një prononcim për mediat nga Pusteci ka folur për Reformën në Drejtësi, për të cilën tha se po çohet ngadalë përpara, por qytetarët duhet të mos dorëzohen.

Ajo u shpreh se njerëzit duhet të vazhdojnë të jenë më kërkues dhe të pakënaqur me qeveritarët e tyre.

Tani është koha që të vazhdojmë përpara. Mos u dorëzoni. Disa njerëz thonë që reforma në drejtësi është asgjë, duhet të dorëzohemi, por jo, po ju gënjejnë, mos hiqni dorë”, tha ambasadorja Kim.

E pyetur nga gazetarët nëse po shkojmë drejt peshkut të madh, ambasadorja nuk dha një përgjigje konkrete.

“Unë jam diplomate. Unë nuk jam një persekutore, nuk jam një peshkatare, nuk jam gjyqtare, unë jam thjesht një diplomate”, u shpreh ambasadorja.