Basha: Dënimi i Tahirit vërtetoi akuzat e PD-së, ishte në krye të bandës Rama që e mbrojti

I menjëhershëm ka qenë reagimi i kreut të PD-së, Lulzim Basha pas dënimit të ish-ministrit të Brendshëm Saimir Tahiri me 3 vite e 4 muaj burg.

Basha shkruan se vendimi i sotëm për Saimir Tahirin, dëshmon sa të vërteta kanë qenë akuzat e PD për përfshirjen e ish ministrit të Brendshëm në trafikun ndërkombëtar të lëndëve narkotike.

Ai shton se Faktet e përfshirjes së tij në një grup të strukturuar kriminal, janë dëshmi e qartë se në krye të bandës është Edi Rama, njeriu që e emëroi, mbrojti dhe përdori.

Basha: Vendimi i sotëm për Saimir Tahirin, dëshmon sa të vërteta kanë qenë akuzat e PD për përfshirjen e ish ministrit të Brendshëm në trafikun ndërkombëtar të lëndëve narkotike. Faktet e përfshirjes së tij në një grup të strukturuar kriminal, janë dëshmi e qartë se në krye të bandës është Edi Rama, njeriu që e emëroi, mbrojti dhe përdori çdo mekanizëm për të zvarritur dënimin e vartësit të tij. Saimir Tahiri dhe Lefter Koka janë vetëm dy nga hallkat e zinxhirit të krimit dhe korrupsionit që ka për autor dhe zbatues Edi Ramën!

oranews