Basha: Do ta shndërrojmë PD-në në forcën qeverisëse që shqiptarët e meritojnë

Tiranë, 13 dhjetor 2021 – Kryetari i Partisë Demokratike, Lulzim Basha, e ka publikuar në rrjetet sociale rezolutën e miratuar në mbledhjen e Këshillit Kombëtar të partisë që u mbajt të dielën.

Basha, ka shkruar se Këshilli Kombëtar “foli qartë”, por “edhe më qartë” do të flasë Kuvendi Kombëtar i partisë që do të mbahet më 18 dhjetor.

Basha ka shprehur bindjen se PD-ja do të shndërrohet në “forcën qeverisëse që shqiptarët meritojnë”.

Postimi i Bashës:

Këshilli Kombëtar i Partisë Demokratike foli qartë. Edhe më qartë do të flasë Kuvendi Kombëtar më #18Dhjetor. Ne do të zgjedhim të ardhmen, në mbrojtje të vlerave të shenjta të Partisë Demokratike dhe për ta shndërruar atë në forcën qeverisëse që shqiptarët meritojnë! 🇦🇱✌️✌️

This image has an empty alt attribute; its file name is Postimi-i-Lulzim-Bashes-ne-FB-550x640.jpg

Kuvendi Kombëtar i Partisë Demokratike që u mbajt të shtunën, në organizim të ish-kryeministrit Sali Berisha dhe mbështetësve të tij, e shkarkoi Bashën nga pozita e kryetarit dhe kryesinë e partisë.

Basha e cilësoi jostatutar dhe jolegjitim Kuvendin Kombëtar të ftuar nga Berisha.

(r.m.)

Comment

*