Për herë të parë në histori, Bashkimi European, ka vendosur të blejë armë për të furnizuar dhe ndihmuar një vend në luftë.
Mjete luftarake, armë, municione, e pajisje ushtarake do të dërgohen në Ukrainë.
BE gjithashtu vendosi mbylljen e hapësirës ajrore për Rusinë. Asnjë avion rus, as avionë tregëtarë e me udhëtarë nuk do të mund të fluturojnë askund në qiejt e vendeve anëtare të Europës.
Së fundi, kanalet shtetërore të propagandës së Kremlinit, Sputnik dhe RT (Russia Today) si dhe filialet e tyre janë të ndaluar në mbarë hapësirën e BE-së për të mos lejuar justifikimin e dhunës ndaj një vendi sovran.
Putini gjithmonë është lavdëruar për aftësinë e tij për t’i vënë europianët kundër njëri-tjetrit. Ky sulm ekstremist dhe i panevojshëm kundër një vendi ka shkatërruar punën që ka bërë për 20 vjet me radhë. Edhe mbështetësit e tij më të mëdhenj si Presidenti i Çekisë Zeman, francezja Marie Le Pen, italiani Matteo Salvini kanë dënuar që të gjithë pushtimin e Ukrainës. (r. a.)