Uashington, 11 prill 2022 – Njoftimi se Serbia e ka pranuar nga Kina një sistem të sofistikuar tëmbrojtjes kundërajrore ka shkaktuar reagimet e njohësve të historisë së dekadave tëfundit dhe zhvillimeve aktualenë Ballkanin Perëndimor.
E gjithë kjo mes shqetësimeve perëndimore se një grumbullim i armëve në Ballkan në kohën e luftës në Ukrainë mund të kërcënojë paqen e brishtë në rajon.
Analisti i njohur, Janusz Bugajski, e ka vlerësuar këtë si një provë tjetër se konflikti i ukrainës mund tëshkrihet edhe në Ballkanin Perëndimor.
Në një reagim në Twitter, Bugajski ka shkruar se Presidenti i Rusisë, Vladimir Putin, e ka udhëzuar Presidentin e Serbisë, Aleksandar Vuçiq, “ta destabilizojë Ballkanin”. Për këtë arsye, ai ka theksuar antarësimi i shpejtë i Kosovës dhe i Bosnës e Hercegovinës në NATO është thelbësore për parandalimin e shtrirjes së konfliktit në Ballkan.
“Vuçiq është udhëzuar nga mbrojtësi i tij Putini që të destabilizojë Ballkanin. Rrugëtimi i shpejtë drejt anëtarësimit të Bosnës e Hercegovinës dhe Kosovës në NATO është thelbësore për të penguar luftën”, ka shkruar Bugajski.
Vucic has been instructed by his patron Putin to destabilize the Balkans. Fast track to NATO membership for Bosnia-Herzegovina and Kosova is essential to deter war. https://t.co/WdgoKsg2RS
— Janusz Bugajski (@JBugajskiUSA) April 10, 2022
Në vitin 2020, SHBA i kishte kërkuar Serbinë që të hiqte dorë nga planet për blerjen e sistemeve të mbrojtjes kundërajrore kineze HQ-22, versioni i eksportit i të cilit njihet si FK-3.
Uashingtoni kishte thënë se nëse Serbia vërtet synon t’u bashkohet Bashkimit Evropian dhe aleancave tjera perëndimore, ajo duhet t’i harmonizojë pajisjet e saj ushtarake me standardet perëndimore.
(r.m.)