Uashington, 11 qershor 2021 – Departamenti Amerikan i Shtetit (DASH) e mbështet hapjen e negociatave të Bashkimit Evropian me Shqipërinë dhe Maqedoninë e Veriut.
Zëdhënësi i DASH, Ned Price, në një mesazh në “Twitter”, ka shkruar se Departamenti Amerikan i Shtetit është i përkushtuar për rrugëtimin evropian të Shqipërisë dhe Maqedonisë së Veriut.
“Ne e mbështesim hapjen pa vonesë të negociatave për pranim në BE me Maqedoninë e Veriut dhe Shqipërinë. Ne jemi duke u angazhuar në nivelet më të larta të qeverisë, për të demonstruar përkushtimin tonë për rrugëtimin evropian të vendeve aspirante”, shkruan zëdhënësi i DASH.
We support the opening of EU accession negotiations with North Macedonia and Albania without delay. We are engaging at the highest levels of government to demonstrate our commitment to the aspirants' European paths.
— Matthew Miller (@StateDeptSpox) June 10, 2021
(r.m.)