Shkup, 23 korrik 2022 – Demë Shehu nga Juniku, anëtar i Grupit “Kumanova”, i cili është i dënuar me burgim të përjetshëm, ka publikuar disa fotografi nga kopshti brenda hapësirave të burgut ku është duke e vuajtur dënimin, në Maqedoninë e Veriut.
Në një postim në Facebook, Shehu e ka quajtur Maqedoninë e Veriut “tokë shqiptare”.
“Se kjo tokë është Shqiptare dhe e bekuar nga i lumi Zot, e tregon fakti se këtu mbinë të gjitha llojet e perimeve.
Kjo tokë e bekuar Shqiptare, e ka ngjajshmërin me fushat e Myzeqes!
“Kudo që të jemi, kurrë nuk do të rreshtim së mbjelluri farat e çlirimit të tokave tona Ilire-Arbërore-Shqiptare!”, shkruan Shehu.
Pjesëtarët e këtij grupi janë akuzuar për veprën penale terrorizëm. Shtatë prej tyre janë dënuar me burg të përjetshëm: Andi Krasniqi, Demë Shehu, Fadil Fejzullahu, Nasuf Zeqiri, Valdet Zekaj, Bekë Bajra dhe Fejzulla Rushitovski.
(r.m.)