Kongresmeni Andy Levin i bashkohet grupit për çështje shqiptare në Kongres

Uashington, 21 mars 2022 – Kongresmeni amerikan, Andy Levin, përfaqësues nga Michigani, i është bashkuar grupit për çështjet shqiptaro-amerikane, njoftoi biznesmeni shqiptaro-amerikan, Richard Lukaj, përmes një postimi në Twitter.

“Njihuni me kongresmenin Levin, i grupit më të ri për çështjet Shqiptaro-Amerikane. Ai është nipi i senatorit të ndjerë Carl Levin, të cilin e kujtoj me dashuri nga ditët e shërbimit të tij në Komitetin e Shërbimeve të Armëve gjatë konflikteve në Ballkan. Faleminderit shqiptarë të Miçiganit!”, ka shkruar Lukaj.

Grupi për çështje shqiptare është krijuar nga aktivistët shqiptaro-amerikanë për të përfaqësuar interesat e shqiptarëve në Kongresin amerikan.

Shteti i Michiganit është një prej shteteve amerikane ku ka prani të madhe të shqiptarëve.

(r.m.)