Paris, 13 nëntor 2021 – Kryeministri i Kosovës, Albin Kurti, në margjina të Forumit të Paqes në Paris, është takuar edhe me zëvendëspresidenten e Shteteve të Bashkuara të Amerikës, Kamala Harris.
Pas këtij takimi, Kurti ka shpërndarë në Twitter një fotografi nga takimi, bashkë me bashkëshorten e tij dhe me bashkërshortin e zonjës Harrris.
Ai e ka cilësuar si “frymëzim për të gjithë” historinë e nënpresidentes amerikane.
“Ishte nder e kënaqësi të takohesha me Zëvendës Presidenten e Shteteve të Bashkuara, Kamala Harris dhe bashkëshortin e saj, Douglas Emhoff. Historia e saj mbresëlënëse e thyerjes së barrierave është një frymëzim për të gjithë ne”, shkruan Kurti, krahas fotografisë nga takimi.
Was an honor and a pleasure to meet @VP of the United States, Kamala Harris and her husband @SecondGentleman, Douglas Emhoff. Her trailblazing story of breaking barriers is an inspiration to us all! pic.twitter.com/3lkwo1pv5M
— Albin Kurti (@albinkurti) November 12, 2021
Kryeministri Kurti u është drejtuar pjesëmarrësve të Samitit të Paqes në Paris përmes një video-mesazhi.
Ai kathënë se është detyrë e liderëve, shkencëtarëve e aktivistëve që të avokojnë për më shumë barazi e drejtësi për gjithë botën.
“Është detyra jonë si liderë, shkencëtarë e aktivistë, jo të qëndrojmë në margjinat e historisë, por të jemi përparimtarë, ta përqafojmë dhe t’i japim formë asaj duke avokuar për më shumë barazi e drejtësi në gjithë botën”, ka deklaruar Kurti.
(r.m.)