Beograd, 21 shtator 2021 – Përfaqësuesi i posaçëm i Bashkimit Evropian në dialogun Kosovë-Serbi, Mirosllav Lajçak, shprehu shqetësimin për situatën ekrijuar në veri të Kosovës, pas vendimit të Qeverisë së Kosovës për vendosjen e reciprocitetit me Serbinë për target e automjeteve.
“Jam i shqetësuar dhe bëj thirrje për shtensionim urgjent. Është e rëndësishme të ulen tensionet, të rikthehet atmosfera paqësore dhe të lejohet liria e lëvizjes”, ka shkruar Lajçak në Twitter.
I briefed EU HoMs on the situation in the north of Kosovo. I’m concerned & call for immediate deescalation. It’s important to reduce tensions, restore a peaceful atmosphere & allow for freedom of movement. We stand ready to facilitate talks on all open issues in the Dialogue. pic.twitter.com/2HvqC0ldmS
— Miroslav Lajčák (@MiroslavLajcak) September 21, 2021
Ai ka thënë se për situatën në veri të Kosovës i ka njoftuar ambasadorët e shteteve anëtare të BE-së dhe ka përsëritur gatishmërinë e institucioneve evropiane për të lehtësuar bisedimet “për të gjitha çështjet e hapura” në kuadër të dialogut për normalizimin e marrëdhënieve midis Kosovës dhe Serbisë.
Të hënën, Qeveria e Kosovës mori vendim që shoferët e automjeteve nga Serbia që hyjnë në Kosovë t’i ndërrojnë targat ose t’i mbulojnë ato dhe të vendosin tabela të përkohshme të Kosovës.
Qeveria e Kosovës tha se kjo është masë reciprociteti ndaj Serbisë, e cila e ka aplikuar të njëjtën masë qe më shumë se 10 vjet.
Dy vendkalimet kufitare mes Kosovës e Serbisë, në Jarinje dhe Bërnjakë, në pjesën veriore të Kosovës të banuar më shumicë serbe, janë bllokuar nga grupe serbësh që e kundërshtojnë vendimin për reciprocitet.
Atje janë vendosur njësitë speciale të Policisë së Kosovës.
Ministri i Brendshëm i Kosovës, Xhelal Sveçla, tha të martën se policët e Kosovës janë “në nivel të detyrës dhe po kontribuojnë në ruajtjen e rendit dhe sigurisë”.
Presidenti i Serbisë, Aleksandar Vuçiq, kërkoi të martën tërheqjen e Policisë së Kosovës nga pjesa veriore e vendit.
(r.m.)