Manja dhe Soreca: Reforma e Drejtësisë duhet të konsolidohet

Ambasadori i Bashkimit Europian Luigi Soreca u takua me ministrin e Drejtësisë, Ulsi Manja.

Ministri Manja tha: “Sot mikprita në Ministrinë e Drejtësisë Ambasadorin z. Luigi Soreca.

Kryefjala e këtij takimi, ishte vijimi dhe konsolidimi i Reformës në Drejtësi.

Gjithashtu diskutuam për rolin që ka Shkolla e Magjistraturës për plotësimin e vendeve vakante në sistem dhe efektet që po japin institucionet e vettingut.

Z. Soreca, garantoi mbështetjen e pakursyer të BE-së ndaj Reformës në Drejtësi dhe fuqizimin e rrjetit antikorrupsion në Ministrinë e Drejtësisë si një mekanizëm efikas për të luftuar korrupsionin në administratën publike.

“Sot takova ministrin e sapoemëruar të Drejtësisë, z. Ulsi Manja.

Reforma e Drejtësisë duhet të konsolidohet tani, dhe efikasiteti i gjykatave dhe pavarësia e magjistratëve janë qëllimet kryesore.

Ne diskutuam rolin e institucioneve të verifikimit dhe të Shkollës së Magjistraturës, si dhe punën e vazhdueshme në hartën gjyqësore.

Reforma e sistemit të drejtësisë vazhdon me mbështetjen e Bashkimit Evropian.”, shkruajti Soreca në twitter.

 

Comment

*