Prishtinë, 7 maj 2023 – Ministri i Mbrojtjes i Kosovës, Armend Mehaj, ka thënë se Ushtria e Kosovës po zhvillohet përditë sipas standardeve të NATO-s dhe do të jetë pjesë e NATO-s.
“Ushtria e Kosovës do të jetë pjesë e NATO-se dhe në bazë të standardeve të saj është duke u forcuar çdo ditë”, ka shkruar Mehaj në Facebook, ku ka njoftuar për përgatitjet që po bëhen për ushtrimin shumëkombësh “Defender Europe 23”.
Kosova do të jetë nikoqire e ushtrimit të forcave të vendeve anëtare të NATO-s dhe vendeve që aspirojnë të bëhen pjesë e kësaj aleance.
“Ky ushtrim do të jetë një test i radhës për ushtrinë e Kosovës, në të cilin do të përgatiten kapacitetet tona luftarake. Përgëzoj shtabin, partnerët tanë dhe të gjithë ata që janë duke u angazhuar maksimalisht që ky ushtrim të jetë në nivelin më të lartë organizativ”, ka shkruar Mehaj, pas vizitës në terren.
Postimi i Mehajt:
Tani që jemi në prag të ushtrimit “Defender Europe 23”, përgatitjet janë duke vazhduar me intensitet të shtuar.
Ky ushtrim do të jetë një test i radhës për ushtrinë e Kosovës, në të cilin do të përgatiten kapacitetet tona luftarake.
Përgëzoj shtabin, partnerët tanë dhe të gjithë ata që janë duke u angazhuar maksimalisht që ky ushtrim të jetë në nivelin më të lartë organizativ. Ushtria e Kosovës do të jetë pjesë e NATO-se dhe në bazë të standardeve të saj është duke u forcuar çdo ditë.
Kosova në NATO është gjithashtu një nga amanetet e dëshmorëve tanë.
(r.m.)