Prishtinë, 16 maj 2021 – Ministria e Punëve të Jashtme (MPJ) e Kosovës e ka vlerësuar të drejtë reagimin e Izraelit pas sulmeve me raketa të kryera nga grupi miltant palestinez Hamas.
MPJ ka shprehur dhembje e pikëllim për viktimat e sulmeve nga të dyja palët dhe katheksuar se Hamasi i po mban civilët palestinezë si pengje të luftës së tij.
MPJ u ka bërë thirrje palëve të përfshira në konflikt që të përmbahen, të ndërprejnë dhunën dhe të kërkojnë zgjidhje paqësore të konfliktit.
“Izraeli, sikurse çdo shtet, e ka të drejtën dhe detyrimin për ta mbrojtur popullin e vet kundër 2.000 raketave të shkrepura ndaj civilëve vetëm nga Hamasi, i cili po i mban peng të luftës së tij civilët palestinezë. Ne shprehim piksëllim për të gjitha viktimat. Kërkojmë përmbajtje, ndërprerje të dhunës dhe bëjmë thirrje për zgjidhje paqësore”, thuhet në reagimin e MPJ të Kosovës në Twitter.
As every state #Israel has the right and the obligation to defend its people against 2000+ rockets fired at civilians only by Hamas, who is holding Palestinian civilians hostage in its war. We mourn all victims. We urge for refrain, stop of violence & seeking peaceful solutions.
— MFA Kosova 🇽🇰 (@MFAKOSOVO) May 16, 2021
Ky është reagimi i parë zyrtar i shtetit të Kosovës lidhur me përshkallëzimin e dhunës mes Izraelit dhe grupit militant palestinez Hamas.
Shpërthimi i dhunës gjatë gjashtë ditëve të fundit pasoi tensionet disa javore në Jerusalemin Lindor, të cilat kulmuan me përleshje në kuartin rreth xhamisë “Al-Aksa”. Grupi militant palestinez Hamas ka shkrepur rreth 2 mijë raketa ndaj objektivave të ndryshme në Izrael, ndërsa ushtria izraelite iu kundërpërgjigj me sulme ajrore dhe artilerike.
Sipas zyrtarëve palestinezë, në sulmet e ushtrisë izraelite në Gaza janë vrarë të paktën 148 civilë, përfshirë 41 fëmijë.
Ndërkaq Izraeli ka raportuar për 10 të vdekur, përfshirë dy fëmijë.
Komuniteti ndërkombëtar u ka bërë thirrje të dyjapalëve që t’i japin fund konfliktit dhe të gjejnënjë zgjidhje paqësore për konflitktin.
Liderët e Organizatës Botërore Islamike janë takuar me urgjencë të dielën, për të diskutuar për situatën në Gaza.
Edhe Këshilli i Sigurimit i Kombeve të Bashkuara do të diskutojë për zhvillimet në Gaza, në një takim që do të zhvillohet të dielën në Mbrëmje.
(r.m.)
Ngushellimet e mia te gjithe familjeve palestineze dhe izraelite per humbjen e te dashtunve te tyne. Sigurisht, Izareli ka te drejte te mbrohet; por e njajta e drejte vlen edhe per palestinezet. Ma ne fund,kriza u krijue nga ekstremistet izraelite qe u perpoqen me debue nga banesat e tune popullsine palestineze ne Jerusalem. Vetem drejtesia do te na shpetoje!