Moti që përfshiu Europën do të ketë ndikim edhe në Shqipëri

Tiranë, 16 korrik 2021 – Stuhija e fortë dhe rrebeshet e dendura të shiut që e kanë përfshirë Europën do të ketë ndikim të vogël edhe në Shqipëri.

Sinoptikania e “Meteoalb”, Lajda Porja, ka thënë se ditën e shtunë pritet të ketë rrebeshe shiu në zonën veriore dhe verilindore të vendit, ndërsa të dielën do të përfshihet edhe zona përgjatë bregdetit të Adriatikut.

Sipas Porjas, problematike edhe për javën që vjen do të jetë era në bregdet, e cila do të jetë e forte dhe do të shkaktojë dallgë në det.

“Duke parë stuhinë me origjinë në ishujt britanik, që ka përfshirë Europën Qendrore, kjo stuhi e quajtur në shkallën e uraganeve, po sjell përkeqësim të motit. Pritet që stuhia të zhvendoset drejt alpeve, dhe tek ne vjen e dobësuar. Do të ketë më tepër rrebeshe shiu, në Maqedoni, Serbi dhe Kroaci. Moti paraqitet me vranësira. E shtuna parashikohet të sjellë reshje shiu në zonën veriore dhe verilindore. Dita e diel do të zhvendos në një pjesë të madhe të territorit. Do të përfshihen edhe zonat qendrore. Do të ketë reshje shiu në Velipojë, në Durrës, por shpëton zona e jugut. Ka pasur një rënie të temperaturave, krahasuar me të nxehtin që kaluam javën e shkuar. Parashikohet që termometri mos të kalojë 34 gradë celsius. Kryeqytet pritet që gjatë kësaj fundjave do të jetë 33 gradë. Dita e diel do të ketë rënie temperature, 32 gradë, do kemi të paraqitur gjatë kësaj fundjave parametrin e erës.”, ka thënë Porja për News24.

(r.m.)

Comment

*