Prishtinë, 26gusht 2021 – Humanistja e madhe shqiptare, Nëna Terezë, e cila është simbol i solidaritetit dhe bamirësisë në botë, u përkujtua dhe u nderua të enjten në Prishtinë, me rastin e 111 vjetorit të lindjes.
Autoritetet mëtë larta shtetërore të vendit e vlerësuan figurën dhe misionin e Nënës Terezë, e cila është bërë edhe simbol i paqes dhe dashurisë për njerëzimin.
“Sot, në ditëlindjen e 111-të të nënës sonë, Shën Terezës, kujtojmë përplot nderim simbolin e dashurisë dhe të paqes, e cila botës ia dhuroi vlerat e mira të saj e të popullit të saj shqiptar: dashurinë për njeriun, zemërgjerësinë dhe bashkëvuajtjen me më të dobëtit”, ka shkruar Presidentja Osmani në Twitter.
Today on the 111th birthday of Mother Teresa, we remember her noble service and big heart.
— Vjosa Osmani (@VjosaOsmaniPRKS) August 26, 2021
As a symbol of peace and love, she is the embodiment of the values the Albanian people hold dear. pic.twitter.com/YMc6KwOmQD
Kryeministri i Kosovës, Albin Kurti, vendosi lule te shtatorja e Nënës Terezë.
“Sot përkulemi pranë shenjtores sonë, Nënë Terezës, e cila me veprat e saj nuk mbushi boshllëk, por e ngriti kombin tonë, jo kur ai mungonte, por kur ai e meritonte”, tha ai.
Kurti tha se Shën Tereza ishte një nga nënat shqiptare që me mirësi e bujari dhe duke e sakrifikuar edhe veten e vet u ndihmoi atyre që kishin nevojë. Kështu ajo u bë frymëzimpër njerëzimin anembanë botës.
“Ajo frymëzoi me qindra, pastaj me mijëra e mandej me miliona njerëz, dhe ua ktheu dinjitetin atyre që mbase mendonin që edhe Zoti i kishte harruar”, theksoi Kurti.
Nënë Tereza ka lindur në Shkup, më 26 gusht 1910. Në vitin 1979, ajou nderua me çmimin Nobel për Paqe, për veprimtarinë e saj në shërbim të të varfërve, të sëmurëve e të të pastrehëve.
Nënë Tereza vdiq më 5 shtator të vitit 1997, në Kalkuta të Indisë.
Më 19 tetor 2003, ajo u lumturua dhe u quajt “Tereza e Bekuar e Kalkutës”. Kanonizimi dhe shenjtërimi i saj u bë më 4 shtator 2016, në ditë para 19-vjetorit të vdekjes.
(r.m.)