Në Kosovë, konfiskohen afër 83 kilogramë narkotikë, arrestohen 6 persona

Prishtinë, 21 qershor 2021 – Policia e Kosovës njoftoi se gjatë një operacioni në rajonin e Prishtinës dhe të Gjilanit janë kapur afër 83 kilogramë lëndë narkotike të tipit marihuanë dhe janë arrestuar 6 persona.

Nw njoftimin e policisw thuhet se, me urdhër të prokurorisë, “është bërë edhe kontrollimi i katër lokacioneve, prej tyre dy banesa, njëra në Prishtinë dhe tjetra në Fushë Kosovë, si edhe dy shtëpi në Gjilan, së bashku me një objekt përcjellës, të cilat dyshohet se grupi në fjalë i ka përdorur për fshehje, shitje dhe shpërndarje të narkotikëve, si dhe për kontrabandë të barnave me origjinë të dyshimtë”.

Gjatë operacionit të policisë janë konfiskuar edhe afër 16 mijë euro, 5 vetura të markave të ndryshme, barna e mallra të kontrabanduara, armë e municion dhe prova të tjera materiale.

Arrestimi i personave të dyshuar është bërë mbi dyshimin e bazuar për përfshirje në veprat penale “blerje, posedim, shitje dhe shpërndarje e paautorizuar e narkotikëve, substancave psikotrope ose analoge; mbajtje nën kontroll dhe shfrytëzim të paautorizuar të armëve; prodhim dhe shpërndarje e produkteve të dëmshme mjekësore dhe pa banderolë; si dhe shmangie nga pagesat e detyrueshme doganore ose tarifave akcizore”.

Personave të dyshuar u është shqiptuar masa e ndalimit prej 48 orësh.

This image has an empty alt attribute; its file name is Marihuane-e-sekuestruar-ne-Prishtine-e-Gjilan-2.jpg

Njoftimi i plotë i policisë:

Policia arreston gjashtë persona të dyshuar, konfiskon mbi 82 kilogramë substancë narkotike, armë, automjete dhe gjëra të ndryshme

Prishtinë, më 21 qershor 2021

Policia e Kosovës në bashkëpunim dhe koordinim me Prokurorinë Shtetit, në vazhdën e angazhimeve në parandalimin dhe luftimin e veprave kriminale, konkretisht Drejtoria për Hetimin e Trafikimit me Narkotikë (DHTN), njësia në Prishtinë, ka realizuar një operacion policor në rajonin e Prishtinës dhe të Gjilanit, i cili ka rezultuar me arrestimin e gjashtë (6) personave të dyshuar.

Arrestimi i personave të dyshuar është bërë mbi dyshimin e bazuar për përfshirje në veprat penale “Blerja, posedimi shitja dhe shpërndarja e paautorizuar e narkotikëve, substancave psikotrope ose analoge”, “Mbajtja nën kontroll dhe shfrytëzim i paautorizuar i armëve”, “Prodhimi dhe shpërndarja e produkteve të dëmshme mjekësore dhe pa banderolë” si dhe “Shmangia nga pagesat e detyrueshme doganore ose tarifave akcizore”.

Me urdhër të prokurorit  kompetent është bërë edhe kontrollimi i katër lokacioneve, prej tyre dy banesa të banimit, njëra në Prishtinë dhe tjetra në Fushë Kosovë, si dhe dy shtëpi në Gjilan së bashku me  një objekt përcjellës,  të cilat dyshohet se grupi në fjalë i kanë përdorur për fshehje, shitje dhe shpërndarje të narkotikëve, si dhe për kontrabandë të barnave me origjinë të dyshimtë.

Gjatë realizimit të kontrollit në cilësi të provave materiale në lokacione të ndryshme janë gjetur të fshehura në vende dhe mjete të ndryshme, provat e sekuestruara:

 82 kilogramë e 914 gramë (tetëdhjetë e dy kilogramë e nëntëqind e katërmbëdhjetë gramë marihuanë). 

 100 paketime të barnave të kontrabanduara, me peshë prej 100 kilogramëve e 180 gramëve

 1 pushkë gjuetie me 35 predha (fishekë) si dhe dy qese najloni të mbushura me barot dhe sfera për municion të armës së gjuetisë.

 1 armë e gjatë ‘AK- 47’ me një karikator.

 1 revole ‘TT’ me një karikator dhe 6 predha (fishekë).

 1 dylbi e armës së gjatë, 174 predha (fishekë).

 5 vetura të ndryshme.

 15.774,50 € (Pesëmbëdhjetë mijë e shtatëqind e shtatëdhjetë e katër euro e pesëdhjetë cent), si dhe 20 (njëzet) franga zvicerane.

 Barna të llojeve të ndryshme.

Personat  e dyshuar janë arrestuar dhe me vendim të prokurorit kompetent janë dërguar në mbajtje për 48 (dyzet e tetë) orë.

(r.m.)

Comment

*