Prishtinë, 13 tetor 2021 – Një shtetase afgane, e cila është e strehuar përkohësisht në Kosovë, e ka lindur sot një foshnje në Klinikën e Gjinekologjisë të Qendrës Klinike Universitare të Kosovës.
Shërbimi Spitalor Klinik dhe Universitar i Kosovës njoftoi se afganja 28 vjeçare e ka lindur një djalë, me operacion, dhe se nëna dhe foshnja janë në gjendje të mirë shëndetësore.
“Një shtetase afgane, me inicialet S.F., 28 vjeçare, lindi një foshnje në Klinikën e Gjinekologjisë të Qendrës Klinike Universitare të Kosovës. Fëmija u lind me opercion, peshon 3.7 kilogramë dhe i takon gjinisë mashkullore. Sipas mjekëve, gjendja shëndetësore e gruas dhe e bebes është e mirë”, thuhet në njoftim.
(r.m.)