Prishtinë, 19 tetor 2022 – Gjykata Themelore në Prishtinë, Departamenti Special e ka shpallur fajtor dhe e ka dënuar me 1 vit burgim ish-ministrin nga radhët e Listës Serbe, Ivan Todosijeviq, i akuzuar për nxitje të urrejtjes, përçarjes ose mos-durimit kombëtar, racor, fetar apo etnik.
Në njoftimin e Gjykatës thuhet se i akuzuari është shpallur fajtor dhe është dënuar me dënim me burgim në kohëzgjatje prej një viti, i cili dënim do të ekzekutohet pas plotëfuqishmërisë së këtij aktgjykimi, në afatin e paraparë ligjor.
I akuzuari I.T në periudhën kohore deri sa ishte në pozitën e ministrit të Administratës dhe Pushtetit Lokal në Qeverinë e Republikës së Kosovës, me dashje kishte nxitur dhe përhapur publikisht urrejtje, përçarje dhe mosdurim midis grupeve kombëtare, racore dhe etnike që jetojnë në Republikën e Kosovës.
Në njoftim thuhet se palët kanë të drejtë ankese kundër këtij aktgjykimi në Gjykatën e Apelit, përmes Gjykatës Themelore në Prishtinë.
Ish-ministrit Ivan Todosijeviq i është ngritur aktakuza në korrik të 2019-së pasi më 2018 kishte quajtur trillim masakrën e Reçakut, ku në janar të vitit 1999 ishin vrarë 45 civilë nga ushtria e shtetit serb.
Ndryshe, Todosejviq ishte dënuar me dy vite burgim nga shkalla e parë më 5 dhjetor 2019, për veprën penale “Nxitja e urrejtjes, përçarjes ose mos durimit kombëtar, racor, fetar apo etnik”, mirëpo rasti ishte kthyer në rigjykim nga Gjykata Supreme.
(Telegrafi)
Te njejtin veprim penal e ka bere edhe Vuçiq,kur per terrorin e kryer nga serbet-Vuçiqi ne Reçakut, ai vet e quajti inskenim i shqiptarve dhe fakktorit nderkombetar.Po ç’u be?!! Asgje! Perkundrazi, favorizohet shteti dhe populli serbe kryesi i krimeve, i heqin vizat,levizin te lire, ndaj njerezimit ne Kroaci,Bosnje dhe Kosove,Ndersa,ende mbahet nen ndeshkim Kosova dhe populli shqiptar i viktimizuar, dhe sot eshte i vetemi popull dhe i vetmi shtet qe, BE nuk ia heq vizat,nuk i mundeson levizjen e lire.