Londër, 8 maj 2023 – Presidentja e Kosovës, Vjosa Osmani, ka njoftuar se gjatë vizitës në Londër, e ka takuar të dërguarin special të Mbretërisë së Bashkuar për Ballkanin Perëndimor, Lordin Stuart Peach.
Osmani, në llogarinë e saj zyrtare në Twitter, ka thënë se në takim me Lordin Peach kanë biskutuar për zhvillimet e fundit në Kosovë.
“Derisa isha në Londër, u takova gjithashtu me të dërguarin special të Mbretërisë së Bashkuar për Ballkann Perëndimor, Lordin Peach.
Diskutuam për zhvillimet e fundit, duke përfshirë hapat e rëndësishëm në dialog, integrimin euroatlantik të Kosovës, si dhe domosdoshmërinë për forcimin e mëtejmë të lidhjeve dhe bashkëpunimit tonë me Britaninë e Madhe”, ka shkruar ajo.
While in London, I also met with the UK’s Special Envoy for WB Lord Peach.
— Vjosa Osmani (@VjosaOsmaniPRKS) May 8, 2023
We discussed recent developments including important steps in the dialogue, Kosovo's Euro-Atlantic integration, as well as the necessity to further strengthen our bond & cooperation with the UK. 🇽🇰🇬🇧 pic.twitter.com/ClwCtMBlz1
Presidentja Osmani ka marrë pjesë në ceremoninë e kurorëzimit të Mbretit Charles III në katedralen Westminster Abbey.
Gjatë qëndrimit në Britani të Madhe, ajo ka pasur takime me prfaqësues të disa shteteve, përfshirë Presidentin e Gjermanisë, Frank-Walter Steinmeier.
(r.m.)