Uashington, 11 nëntor 2021 – Presidentja e Kosovës, Vjosa Osmani, e ka vlerësuar shumë produktiv takimin që ka pasur me nënsekretaren amerikane të Shteteve të Bashkuara të Amerikës, Victoria Nuland.
Presidentja Osmani, në një postim në Twitter, ka shkruar se në këtë takim është riafirmuar angazhimi afatgjatë i dy vendeve ndaj partneritetit dhe vlerave të përbashkëta.
Zonja Osmani ka theksuar se Kosova nuk ka aleat më të madh se Shtetet e Bashkuara të Amerikës.
“Një takim shumë produktiv me Nënsekretaren e Shtetit, Victoria Nuland, për të riafirmuar angazhimin afatgjatë të dy vendeve tona ndaj partneritetit dhe vlerave të përbashkëta. Kosova nuk ka aleat më të madh se SHBA dhe unë mezi pres të punoj së bashku, për t’i siguruar që ne edhe më tej do të kontribuojmë për paqe dhe demokraci”, ka shkruar Osmani.
A very productive mtng w/ @UnderSecStateP Nuland to reaffirm our two countries’ long-standing commitment to our partnership & joint values.
— Vjosa Osmani (@VjosaOsmaniPRKS) November 11, 2021
🇽🇰 has no greater ally than the 🇺🇸 & I look forward to working closely together to ensure we further contribute to peace & democracy. pic.twitter.com/ebUfDWZKQa
Për takimin e zhvilluar është deklaruar edhe zonja Nuland. Ajo ka thënë se me presidenten Osmani ka biseduar për një game të gjerë të prioriteteve të përbashkëta.
“Me kënaqësi mirëprita presidenten e Kosovës, Vjosa Osmani për të diskutuar një gamë të gjerë prioritetesh të përbashkëta, duke përfshirë sundimin e ligjit, energjinë dhe normalizimin e marrëdhënieve me Serbinë. Shtetet e Bashkuara falënderojnë Kosovën për mbështetjen e hershme dhe bujare për të pritur përkohësisht afganët e zhvendosur”, ka shkruar zonja Nuland.
Pleased to welcome Kosovo President @VjosaOsmaniPRKS to discuss a wide range of shared priorities, including rule of law, energy, and normalization of relations with Serbia. The United States thanks Kosovo for its early and generous support to temporarily host relocated Afghans. pic.twitter.com/hESM4mRLoA
— John Bass (@UnderSecStateP) November 10, 2021
Presidentja Osmani, gjatë vizitës në SHBA, është takuar edhe me kryeshefin ekzekutiv të Korporatës Sfidat e Mijëvjeçarit (MCC), Mahmoud Bah, ku është diskutuar rolin e MCC-së në Kosovë dhe për nevojat në sektorin e energjisë.
(r.m.)