Prishtinë, 19 korrik 2022 – Presidentja e Kosovës, Vjosa Osmani, ka uruar Shqipërinë dhe Maqedoninë e Veriut për nisjen e negociatave për anëtarësim në Bashkimin Evropian.
Ajo ka thënë se përshpejtimi i procesit të shtrirjes së BE-së në shtetet demokratike të Ballkanit Perëndimor tani është domosdoshmëri.
Presidentja Osmani, me këtë rast, u ka bërë thirrje vendeve të BE-së të marrin vendim për liberalizimin e vizave për qytetarët e Kosovës.
“Urime Shqipërisë dhe Maqedonisë së veriut që bënë një hap më afër BE-së.
Në këtë kohë vendimtare, përshpejtimi i procesit të zgjerimit në vendet demokratike të Ballkanit Perëndimor është një domosdoshmëri.
Ne u bëjmë thirrje shteteve të BE-së që urgjentisht të marrin vendim për liberalizimin e vizave për qytetarët e Kosovës”, ka shkruar Osmani në Twitter.
Congratulations to 🇦🇱 & 🇲🇰 for taking one step closer to the EU.
— Vjosa Osmani (@VjosaOsmaniPRKS) July 19, 2022
At this determining time, accelerating the enlargement process for democratic WB countries is a must!
We call on 🇪🇺 member states to urgently deliver on the overdue decision on visa lib. for our citizens.
(r.m.)