PD: “Rama ka udhëtuar me charter privat, për qejfet e veta”

Tiranë, 30 janar 2022 – Partia Demokratike e ka denoncuar kryeministrin Edi Rama se ka udhëtuar me charter privat, pak ditë më parë, për të dhënë intervistë per ”Manager Magazine”.

“Në një kohë kur Shqipëria është vendi me i korruptuar në Europë, kur shqiptarët kanë nivelin më të lartë të varfërisë, paguajnë çmimet më të larta dhe marrin pagat më të ulta, Edi Rama sillet si sheik me paratë e shqiptarëve. Vetëm disa ditë më parë, Rama ka udhëtuar me charter privat, jo për të zgjidhur ndonje hall të shqiptarëve por për qejfet e veta”, ka thënë deputetja Orjola Pampuri në një deklaratë për medie.

“Vetëm për karburantin e një udhëtimi qejfi të Edi Ramës, harxhohen 120 mijë euro nga paratë e shqiptarëve”, ka theksuar ajo.

“Edi Rama harxhon paratë e taksave të shqiptarëve për të pastruar imazhin e tij të zi si njeriu që drejton qeverinë më të korruptuar në Europë, si njeriu që veshi me pushtet kriminelët dhe që ka shndërruar në sistem shitblerjen e votës”, ka theksuar Pampuri.

Deklarata e plotë e PD-së:

Në një kohë kur Shqipëria është vendi me i korruptuar në Europë, kur shqiptarët kanë nivelin më të lartë të varfërisë, paguajnë çmimet më të larta dhe marrin pagat më të ulta, Edi Rama sillet si sheik me paratë e shqiptarëve.

Vetëm disa ditë më parë, Rama ka udhëtuar me charter privat, jo për të zgjidhur ndonje hall të shqiptarëve por për qejfet e veta.

Edi Rama harxhon paratë e taksave të shqiptarëve për të pastruar imazhin e tij të zi si njeriu që drejton qeverinë më të korruptuar në Europë, si njeriu që veshi me pushtet kriminelët dhe që ka shndërruar në sistem shitblerjen e votës.

Vetëm për karburantin e nje udhëtimi qejfi të Edi Ramës, harxhohen 120 mijë euro nga paratë e shqiptarëve.

Sot në emër të gjithë shqiptarëve paratë e të cilëve po i vjedh e shpërdoron, i  drejtojmë këto  pyetje kryeministrit:

A përdore charterin privat  për të dhënë intervistë per ”Manager Magazine”?

Sa para ke shpenzuar vetëm për charterin në këtë udhëtim luksi?

Sa është kosto e gjithë qëndrimit në resortin luksoz të Europës?

Ndërsa banorët e 5 majit flenë në gërmadha nga hajduteria e qeverisë së tij, Ramës nuk i bëhet vonë për njerëzit, por vetëm për veten!

Këto ditë të ftohta dimri, ai kujdeset vetëm për të udhëtuar si mbret, për të shijuar resorte luksoze si car dhe për të pastruar imazhin e tij  të nxirë keq!

Po citoj gazetaren që ta kuptoni çfarë bën kryeministri me paratë e shqiptarëve:

“Ne kemi rënë dakord të bëjmë një xhiro në Ëildbad Kreuth-in legjendar, dikur një perlë e familjes mbretërore bavareze Ëittelsbach dhe një llixhë për carët rusë dhe perandoreshat austriake”

Shqiptarët sot kerkojne përgjigje dhe transparencë!

Me lekët e kujt bredh Edi Rama në resortet më luksoze të Europës?

Kush ka firmosur për udhëtimet e tij?

Kush i ka paguar ato?

Rama është i korruptuar.

Qeveria e tij është e korruptuar.

Me këta në krye, Shqipëria nuk mund të ketë zhvillim.

Shqiptarët duhet ta braktisin të shkuarën dhe të korruptuarit!

(r.m.)