Prishtinë, 23 mars 2022 – Në Kosovë është pritur me pikëllim lajmi për vdekjen e mikes së madhe të Kosovës, ish-sekretares së Shtetit të SHBA-së, Madeleine Albright.
Në mesazhet e autoriteteve shtetërore e politike, si edhe të qytetarëve të shumtë, krahas pikëllimit, shprehet edhe ndjenja e fuqishme e mirënjohjes dhe falënderimit për mbështetjen që ka dhënë ajo për lirinë dhe pavarësinë e Kosovës.
Presidentja e Kosovës, Vjosa Osmani, ka thënë se Zonja Albright do të kujtohet me pietet në Kosovë, sepse ajo i dha mbështetjen më të madhe popullit të Kosovës në orët më të liga të tij.
“Kosova sot e humbi një mike shumë të çmuar. S’ka fjalë që e përshkruajnë trishtimin për vdekjen e gruas së jashtëzakonshme e frymëzuese, Sekretares së Shtetit, Madeleine Albright.
Kontributi i saj për lirinë dhe demokracinë tonë nuk do të harrohet kurrë. Me punën e saj, ajo e la këtë botë një vend më të mirë.
Pusho në paqe mike e dashur!”, ka shkruar në Twitter Presidentja Osmani.
Kosovo lost an invaluable friend today. We’re saddened beyond words by the passing of the formidable & inspiring Secretary Madeleine Albright.
— Vjosa Osmani (@VjosaOsmaniPRKS) March 23, 2022
Her contribution to our freedom & democracy will never be forgotten. With her work, she left this world a better place. RIP dear friend pic.twitter.com/nuzp2nV8zw
Kryeministri Albin Kurti ka thënë se zonja Albright ishte mike të Kosovës deri në fund të jetës së saj dhe partnere e të gjithë njerëzve që “e ndoqën paqen, lirinë dhe demokracinë”.
“Me pikëllim mora lajmin për vdekjen e Madeline Albright, një grua e shquar me moral të pa kompromis për Shtetet e Bashkuara, një mike e Kosovës deri në fund dhe një partnere me të gjithë ata që ndoqën paqen, lirinë dhe demokracinë.
Do të na mungosh, zonja sekretare”, ka shkruar Kurti në Twitter.
Saddened to hear of the passing of Madeline Albright, a remarkable woman with uncompromising morals for the United States, a friend of Kosova to the end, and a partner with all who pursued peace, freedom and democracy. We will miss you, Madam Secretary. pic.twitter.com/Dr1kYgOREv
— Albin Kurti (@albinkurti) March 23, 2022
Ish-sekretarja e Shtetit e SHBA-së ishte njëra ndër figurat politike më të respektuara te qytetarët e Kosovës. Të gjitha shtresat e popullsisë e kanë vlerësuar për guximin e saj që të përballet me shkktarët e luftërave e të fatkeqësive tjera njerëzore.
(r.m.)