Presidentja Osmani përcjell nga afër fitoren e Distrisë

Tokyo, 24 korrik 2021 – Në arenën Nippon Budokan, ku po zhvillohet gara e xhudos në Lojërat Olimpike ishte e pranishme edhe Presidentja e Kosovës, Vjosa Osmani. Ajo e ka shikuar nga duelin e Distria Krasniqit me brazilianen Gabiela Chibana dhe i është gëzuar fitores së xhudistes kosovare.

Federata Ndërkombëtare e Xhudos (IJF) ka shkruar për vizitën e presidentes së Kosovës, Vjosa Osmani, në arenën Nippon Budokan të Tokios, ku po zhvillohen garat e xhudos në Lojërat Olimpike.

“Të nderuar që mysafirët tanë me vlerë na janë bashkuar në Nippon Budokan, në ditën e parë të xhudos”, ka shkruar IJF.

Garën e xhudos e ndoqi edhe presidenti i Francës, Emmanuel Macron.

Presidentja Osmani mori pjesë edhe në ceremoninë e hapjes së Lojërave Olimpike “Tokyo 2020.

Gjatë qëndrimit në Tokyo, zonja Osmani ka zhvilluar takime me përfaqësues e drejtues të delegacioneve të shumë shteteve pjesëmarrëse në olimpiadë.

Ajo do të qëndrojë edhe disa ditë në Tokio, ku pritet të takohet edhe me përfaqësues të shteteve të tjera.

(r.m.)

Comment

*