Prokuroria kërkon informacion për Tom Doshin nga ambasada e SHBA-ve

Tiranë, 30 mars 2021 – Në Shqipëri, Prokuroria e Përgjithshme i tha sot Zërit të Amerikës se i është drejtuar zyrtarisht ambasadës amerikane për të kërkuar informacion mbi deputetin Tom Doshi i cili rikandidon edhe në zgjedhjet e 25 Prillit

Zoti Tom Doshi është në listën e 28 kandidatëve që Komisioni Qëndror i zgmjedhjeve i ka nisur për verifikim Prokurorisë së Përgjithshme. Pak ditë më parë kryetari i KQZ-së Ilirjan Celibashi shpjegoi se “në rastin e zotit Doshi KQZ ka marrë shtysën nga të dhëna publike, që e nxitin t’i kërkojë prokurorisë informacione të tjera, veç atyre që ai ka dhënë në formularin e vetëdeklarimin, për të bërë vlerësim më të plotë mbi përputhshmërinë e kandidimit të tij për deputet. Por edhe në formularin e vetëdeklarimit ka të dhëna që shërbejnë si indicie për KQZ-në, për të kërkuar hetim të thelluar për kandidatin” – tha zoti Celibashi.

Në letrën drejtuar ambasadës amerikane, Prokuroria e Përgjithshme kërkon të dijë informacionet që kjo ambasadë disponon rreth zotit Doshi, nisur dhe nga fakti që Departamenti amerikan i Shtetit në Prill të vitit 2018, vendosi që t’i ndalojë hyrjen në Shtetet e Bashkuara zotit Doshi dhe anëtarëve të tjerë të familjes së tij. Ndërkaq, ambasadorja amerikane Yuri Kim, ka bërë thirrje të përsëritura për të penguar rikandidimin e zotit Doshi.

Pas përgjigjes nga ambasada amerikane, Prokuroria shpjegon se do të vlerësojë hapat e mëtejshëm, në varësi të informacionit që do të marrë. Ndërkohë ajo ka nisur veprimet për kandidatët e tjerë, duke kërkuar fillimisht informacion nga të gjitha institucionet vendase. Bëhet fjalë për 5 kandidatë nga Aleanca ABEKO, 2 nga Bindja Demokratike, 2 nga Lëvizja për Ndryshim, 1 nga Lëvizja e Re, 6 nga LSI, 2 nga Nisma Thurrje, 4 nga Partia Demokratike, 3 nga Partia Socialiste dhe 3 nga Partia Social-Demokrate.

(Zëri i Amerikës)

One Response to “Prokuroria kërkon informacion për Tom Doshin nga ambasada e SHBA-ve”

Read below or add a comment...

  1. Sali Bollati-Çam Shqiptaro Amerikan says:

    Tirana e sotme eshte e mbushur me “doktora alla Bahcevane juridike”.Pse duhet te kerkoi ndihme nga jashte per drejtesine e saje qe e ka bere çorapë se ashtu ja kerkon “drejtesia alla rama me oborrin mbreteror qe mban rreth vehtes?!
    Per Ligjin e luftes dhe faljen e detit Greqise-“mikes strategjike”nuk ka pse te kerkoi ndihme juridike se ja “zgjidh vete ajo” Ç’ne me lazem per doshera e spiropalesa e tj,

Comment

*