Senatori Dole: “Dr. Rugova ka qenë heroi im personal”

Muhamet HAMITI

Ka ndërruar jetë sot Senatori Robert Dole (1923-2021), politikani i madh republikan, Hero i Luftës së Dytë Botërore, kandidat presidencial në zgjedhjet e vitit 1996.

Bob Dole ka qenë përkrahës i madh i pavarësisë së Kosovës, mik i ngushtë i Presidentit historik të Kosovës, Dr. Ibrahim Rugovës.

Më 8 nëntor 2003, Presidenti Ibrahim Rugova e ka pasë emëruar Senatorin Dole Përfaqësues të Lartë të Kosovës me titull Ambasador Nderi i Kosovës në SHBA. (Shih lajmin e QIK-ut, botuar te libri “Presidenti Rugova”, Presidenca e Kosovës, Prishtinë, 2007, f. 188).

Në një komunikim që kam pasur me zyrën e Senatorit Dole në gusht të vitit 2018, Bob Dole me shkruante: “Dr. Rugova was a dear friend and personal hero of mine”. [Dr. Rugova ka ka qenë mik imi i dashur dhe heroi im personal].

Duke punuar ngusht me Presidentin Rugova deri në frymën e Tij të fundit, kam pasur nderin të takohem disa herë me Senatorin Dole. Herën e fundit në vjeshtën e vitit 2004, kur Senatori erdhi në vizitë në Kosovë dhe përuruam, në shoqëri të prijësve Rugova dhe Dole, një rrugë me emrin e Robert Dole-it në kryeqytetin e Kosovës, në Prishtinë.

Kosova është e bekuar me miqt e vet, me Robert Dole-in e të tjerë në SHBA, republikanë e demokratë. ‘Kosova e integruar në BE dhe në NATO dhe në miqësi të përhershme me SHBA-të’ ka qenë motoja strategjike e Presidentit historik të Kosovës.

This image has an empty alt attribute; its file name is Bob-Dole_Ibrahim-Rugova.jpg

Bob Dole e Ibrahim Rugova, Prishtinë, vjeshtë 2004

No photo description available.May be an image of text that says "P Pyle, Pia Aug 16, 2018 to me Dear Muhamet, Thank you for your note and hope you are doing well. appreciate you taking the time to write. Dr. Rugova was a dear friend and personal hero of mine. As you know, have a deep connection with the people of Kosovo so have been following the matter closely and communicating with the embassy here in DC. hope to be helpful when and where can be. BOB DOLE"

(Muhamet Hamiti ka qenë këshilltar për medie i Presidentit historik të Kosovës, Ibrahim Rugova.)

Comment

*