Serbët në pjesën veriore të Mitrovicës e festuan edhe me kallashnikov fitoren e Vuçiqit

Prishtinë, 4 prill 2022 – Serbët në pjesën veriore të Mitrovicës e kanë festuar fitoren e presidentit të Serbisë Aleksandar Vuçiq dhe të partisë së tij në zgjedhjet presidenciale dhe paralamentare të Serbisë që u mbajtën të dielën.

Disa dhjetra serbë kanë dalë në rrugë me flakadanë e flamuj të Serbisë nëduar, ndërsa disa të tjerë kanë festuar duke bërë xhiro me vetura nëpër rrugët e qytetit. Disa prej serbëve më të ekzaltuar nga fitorja e Vuçiqit kanë festuar edhe me armë. Në disa video-regjistrime të shpërndara në internet shihen edhe pamje të festimit me të shtëna nga kalashnikovi.

Në festë, e cila ka zgjatur deri natën vonë, janë shkrepur dhe fishekzjarre dhe bomba tymuese.

Nuk është raportuar për ndonjë incident serioz apo për ndërhyrje të policisë.

This image has an empty alt attribute; its file name is Serbet-festojne-fitoren-e-Vuciqit-Mitrovice-Veriore-1.jpg

Serbët e Kosovës kanë votuar në 4 qytete të Serbisë në afërsi të Kosovës: Tutin, Rashkë, Kushumli dhe Bujanoc. Ata janë transportuar në vendvotime me autobusë të kontraktuar nga Qeveria e Serbisë.

Nuk ka të dhëna për numrin e votuesve nga Kosova që kanë marrë pjesë në zgjedhje. Por, ka pasur raportime se punëtorët e institucioneve paralele serbe në Kosovë janë detyruar të shkojnë të votojnë edhe kundër vullnetit të tyre, për shkak se pjesëmarrja në zgjedhje është konsideruar si pjesë e detyrave në punë.

(r.m.)