SHBA premton identifikimin e njësive ruse që kryen masakrat në Buça

SHBA ka deklaruar se do të kjetë në gjendje të identifikojë se cilat njësi ushtarake ruse kanë kryer masakrat në Buça të Ukrainës.

Identifikimi i atyre që kryen krime lufte “ka përparësi jashtëzakonisht të lartë, për momentin”, për komunitetin e inteligjencës amerikane, u ka thënë gazetarëve një zyrtar i lartë që është në dijeni të procesit.

SHBA do të përdorë të gjitha mjetet për të ndihmuar Ukrainën në gjetjen e individëve që kryen masakrat.

Ekzekutimet në Buça i civilëve ukrainas, me duar të lidhura, trupat e djegur, qytetarët e vrarë, në rrugë duke bërë punët e përditshme si vajtja në dyqane etj kanë tronditur opinionin ukrainas dhe atë botëror. Të vrarët u zbuluan pas braktisjes me nxitim të qytezës Buça nga ushtria ruse që po tërhiqet tërësisht nga veriu i Ukrainës dhe rrethinave të Kijivit pasi dështuan në marrjen e kryeqytetit.

Moska e ka mohuar masakrën duke thënë se ukrainasit i kanë inskenuar ato për të gënjyer botën. Mirëpo, SHBA ka ofruar pamje satelitore që tregojnë se trupat e vdekur ndodheshin aty kur ushtria ruse nuk ishte larguar ende nga Buça.

Tani vjen premtimi se jo vetëm që shërbimet e inteligjencës amerikane do të ofrojnë provat fotografike satelitore që dëshmojnë krimet e luftës, por do të identifikojë edhe kriminelët që një ditë të përballen me drejtësinë. (Ruben Avxhiu)