Sacramento, 3 prill 2022 – Gjashtë persona janë vrarë dhe 15 të tjerë janë plagosur në një shkëmbim zjarri në qendër të Sacramentos, të dielën në mëngjes, rreth orës 2 sipas kohës lokale, raportoi CNN.
Policia e Sakramentos ka njoftuar për incidentin, por nuk ka dhënë informacion më të detajuar. Ajo ka thënë se ende nuk dihen rrethanat dhe dinamika e incidentit, ndërsa qytetarëve u ka bërë thirrje të shmangin vendin e ngjarjes.
“Rrethanat mbeten të panjohura tash për tash. Ju lutemi, shmangni këtë hapësirë ku ka prani të madhe të policisë, ndërsa vendi I ngjarjes është ende aktiv”, ka thënë policia.
ADVISORY: 9th St to 13th St is closed between L St & J St as officers investigate a shooting with multiple victims. Conditions unknown at this time. Please avoid the area as a large police presence will remain and the scene remains active. Please follow this thread for updates. pic.twitter.com/lGhUJCnLWe
— Sacramento Police Department (@SacPolice) April 3, 2022
“Rruga në të cilën kanë ndodhur të shtënat me armë është bllokuar, sepse policët po hetojnë rastin e të shtënave që shkaktuan shumë viktima “, thuhet në njoftimin e policisë.
Policia është vënë në kërkim të autorëve. Ajo i ka bllokuar rrugët rreth vendit të ngjarjes.
A source tells The Sacramento Bee that the shooter is not in custody. @StantonSam and @pohl_jason are on scene with more updates to come. https://t.co/dyh8wn90uy
— Daniel Hunt (@edit4life) April 3, 2022
Sipas medieve locale, shkëmbimit të zjarrit i ka paraprirë një përleshje masive.
Media “Sacramento bee” raporton se autorët nuk janë kapur ende.
A source tells The Sacramento Bee that the shooter is not in custody. @StantonSam and @pohl_jason are on scene with more updates to come. https://t.co/dyh8wn90uy
— Daniel Hunt (@edit4life) April 3, 2022
Aktivisti Berry Accius që ka thënë se në vendin e ngjarjes ka arritur menjëherë pas të shtënave. Ai e ka përshkruar vendin e ngjarjes.
“Më së pari i kam parë viktimat. E kam parë një vajzë të re të përgjakur në tërë trupin, një vajzë tjetër që po i shkundte nga rrobat e saj ciflat e xhamit. Një vajzë tjetër thërriste se i motra e saj ishte vrarë”, ka thënë Berry për ABC News si ai.
“Një nënë vraponte dhe pyeste ku e kishte djalin e saj dhe nëseishte qëlluar ai. Traumë. Këto janë pamje që askush nuk do të dëshironte t’i shihte”, ka thënë ai.
(r.m.)