Shqipëria do t’i huazojë Kosovës energji elektrike gjatë dy ditëve të festës

Tiranë, 28 dhjetor 2021 – Qeveria e Shqipërisë ka marrë vendim t’i huazojë Kosovës energji elektrtike më 31 dhjetor dhe 1 janar.

Ministrja e Infrastrukturës dhe Energjisë, Belinda Balluku, njoftoi se 7680 megavat orw energji do t’i jepen Kosovës në formë huaje, e cila do tw kthehet gjatë sezonit të verës.

“Kryeministri Edi Rama ka lënë porosi të veçantë gjatë ditës së sotme sa i përket përballimit të krizës energjitike në Republikën e Kosovës gjatë datës 31 dhjetor dhe 1 janar. Këtu në Ministrinë e Infrastrukturës dhe Energjisë kemi angazhuar të gjitha burimet njerëzore, specialistët tanë, se bashku me specialistët e Korporatës Eleketroenergjitike për të gjetur një zgjidhje dhe për të furnizuar Kosovën në këto ditë të rëndësishme”, ka thwnw ministrja Balluku, transmeton Panorama.

“Pas një dakordësie që kemi pasur me drejtuesit e Korporatës Elektro-Energjitike kosovare kemi arritur të sigurojmë në total 7680 megavat orë të cilat do jepen në formën e depozitimit, pa asnjë efekt financiar për Kosovën, duke kërkuar që t’i kthehen Shqipërisë gjatë sezonit veror, kur kushtet tona hidrike fillojnë të bëhen të vështira. Kjo depozitë që do të dorëzohet brenda këtij muaji në Kosovë, do të kërkojmë të na kthehet gjatë verës, nga qershori në shtator”, ka thwnw ajo.

(r.m.)

Comment

*