Ndonëse mohon të ketë përkrahur një të shumëkërkuar, Edevaldo Haxhia dyshohet se ndihmoi bilionerin Faruk Fatih Ozer për t’i shpëtuar drejtësisë .
Biznesmeni shqiptar këmbënguli se e mbështeti atë mbasi ja prezantuan si Erkani dhe e konsideroi si çdo turk tjetër që zgjedh Shqipërinë për të punuar.
Por kur Haxhia mësoi që përballë kishte të kërkuarin e monedhave virtuale , ai kujton se u tremb aq shumë sa flaku telefonin nga frika e policisë dhe u largua me pushime të gjata në Himarë dhe në Dhërmi .
“Kam 15 vjet që bashkëpunoj dhe një pjesë e biznesit tim konkludon me mbërritjen e shtetasve turq në Shqipëri që kanë montuar të gjitha pajisjet e fabrikës time.
Duke insistuar se është njohës i mirë i kësaj gjuhe, i riu Haxhia kujton se e pyeti turkun se për çfarë pune kishte ardhur në vendin tonë, por ai nuk i dha asnjë përgjigje. Më pas për ta mikpritur ata shkuan dhe festuan por pa e thyer orën policore thekson Haxhia.
Por me gjithë metodat speciale të kërkimit dhe përgjimet intensive askush nuk zbuloi gjurmët e turkut Ozer, ndërkohë që prokuroria thotë se po e heton se ai po mashtron me monedhat virtuale edhe ne Shqipëri.
I kërkuar nga Turqia për mashtrimin me pasoja të rëndë te 391 mijë shtetasve me fitim 2 bilionë dollarë, Ozer ka dyshime se po bashkëvepron me anëtarë të grupeve kriminale te vazhdoje aktivitetin e kriptomonedhave.
Por me Haxhinë që përfundoi në arrest shtëpiak dhe Ozerin në drejtim të paditur , ajo që është e qartë për autoritetet është dyshimi se një grup të rinjsh po e ekskortojnë turkun e shumë kërkuar nëpër Shqipëri në mënyrë qe ai mos të bjerë në duart e askujt.
Top Channel