Varhelyi: Të çelen negociatat me Shqipërinë dhe me Maqedoninë e Veriut

Lisbonë, 10 maj 2021 – Komisioneri i Bashkimit Evropian për Zgjerimin, Oliver Varhelyi, ka thënë se duhet të çelen negociatat me Shqiërinë dhe me Maqedoninë e Veriut për anëtarësim në bllok.

Varhelyi i ka shprehur këto qëndrime pas takimit të Këshillit të Ministrave të Jashtëm të Bashkimit Evropian, në Lisbonë, ku është diskutuar për Ballkanin Perëndimor.

Në një postim në Twitter, Varhelyi e ka quajtur të mirë diskutimin në takimin e ministrave. Ai ka thënë se në takim është konfirmuar se perspektiva europiane e rajonit është “e pakontestueshme”.

Ai ka theksuar edhe nevojën për vzhvimin e dialogut mes Kosovës e Serbisë.

Statusi i komisionerit Varhely:

Sot në Këshillin e Punëve të Jashtme për Komisionin Europian.

Diskutim i mirë për Ballkanin Perëndimor, ku u konfirmua se perspektiva europiane e rajonit është e pakontestueshme dhe përkushtimi për shtimin e mëtejshëm të angazhimit. Duhet të hapen negociatat me Shqipërinë dhe Maqedoninë e Veriut dhe të vazhdojë dialogu Beograd-Prishtinë.

(r.m.)

Comment

*