Vuçiq ftoi në dialog liderët e opozitës, të cilët i akuzoi për protestat kundër tij

Beograd, 26 maj 2023 – Presidenti i Serbisë, Aleksandar Vuçiq, tha më 26 maj se politikanët e opozitës që organizuan protesta pas dy masakrave në Beograd dhe në rrethinë.

“I ftoj në bisedë dhe dialog edhe ata politikanë për të cilët mendoj më të keqen. Nga nesër dera ime është e hapur për secilin prej tyre, për të zgjidhur problemet në institucionet e sistemit”, tha Vuçiq të premten në mbrëmje, në Beograd, në një tubim të organizuar nga parrtiia që e udhëheq – Partia Progresive Serbe (SNS).

Kjo ftesë e Vuçiqit vjen pas protestave të dhjetëra mijëra qytetarëve të revoltuar nga reagimi i qeverisë ndaj vrasjeve masive që e tronditën vendin, që u mbajtën javën e kaluar në Beograd.

Vuçiq tha se “problemet nuk zgjidhen në autostradë”, duke aluduar në bllokimin e autostradës dhe urës Gazela në Beograd nga protestuesit. Ai e akuzoi opozitëën për oorganizimin e protestës, në të cilën u kërkua edhe dorëheqja e tij.

“Atyre politikanëve nuk u interesonin fëmijët, por si të më largojnë mua nga pushteti”, tha ai.

Por, ai bëri të qartë se nuk e ka ndërmend të japë dorëheqje.

“Ju ftoj të bisedojmë, por nuk do të ketë qeveri tranzitore. Qeveria do të zgjidhet në zgjedhje”, theksoi.

Vuçiq tha se pas masakrës në shkollën fillore “Vladislav Ribnikar” në Beograd dhe në fshatrat pranë Mlladenovcit, Qeveria e Serbisë ka zbatuar një sërë masash për uljen e dhunës.

Vuçiq: Kjo është parapitja e fundit si kryetar i SNS-së

Vuçiq tha se po fliste për herë të fundit si kryetar i SNS-së.

“Për njëmbëdhjetë vjet, i shërbeva me besim dhe besnikëri shtetit dhe popullit tim. Unë kam qenë kryetar i Partisë Përparimtare Serbe për njëmbëdhjetë vjet. Nesër, dikush tjetër do të marrë në dorë Partinë Progresive Serbe time, tuajën, tonën”, tha Vuçiq.

Ai tha se nga e shtuna partinë e marrin “disa njerëz të mrekullueshëm” dhe se nga 28 qershori nisin formimin e Lëvizjes për popullin dhe shtetin.

Në tubim foli edhe kryediplomati hungarez Peter Szijarto

Të tubuarve para Kuvendit Popullor, u është drejtuar edhe ministri i Jashtëm i Hungarisë, Peter Szijarto. Ai tha se Hungaria dhe Serbia janë të ekspozuar ndaj sulmeve, sepse liderët e tyre “dëshirojnë paqe në Ukrainë, luftojnë për vlerat familjare dhe nuk duan t’u shërbejnë interesave të huaja”.

“Ata do të na sulmojnë, sepse nuk mund të pranojnë që ne hungarezët dhe serbët ndjekim interesat tona kombëtare dhe të jemi të suksesshëm”, tha Szijarto.

Ai u bëri thirrje të tubuarve “të mbështesin presidentin e tyre” dhe tha se partitë “që u shërbejnë interesave të huaja, duhet të mposhten dhe për fat të mirë kjo ndodh rregullisht në të dy vendet”.

Në tubim, ndër të tjerë, foli ministri i Punëve të Jashtme të Serbisë dhe kryetari i Partisë Socialiste të Serbisë, partnere e koalicionit të SNS-së, Ivica Daçiq.

Ai akuzoi një pjesë të opozitës, e cila organizon protesta kundër dhunës, se duan të vijnë në pushtet në këtë mënyrë. Ai shtoi se tubimi i sotëm nuk është një tubim politik, por një mesazh i “Serbisë së edukuar dhe të denjë”.

“Dua t’u them të gjithë atyre që u ngritën mbi vendin tonë: ne nuk e japim Serbinë, nuk e japim Kosovën, nuk i japim fëmijët tanë, nuk lejojmë dhunë ndaj grave, nuk do të heqim dorë nga presidenti, të cilin e kemi zgjedhur të gjithë, Aleksandar Vuçiq”, ka thënë Daçiq.

Presidenti i Republikës Sërpska, që është njëra nga entitetet e Bosnjë e Hercegovinës, Milorad Dodik tha nga skena se ka ardhur për të mbështetur Serbinë dhe në fund të fjalës së tij tha: “Rroftë Serbia, rroftë Rusia, rroftë Republika Sërpska”.

Shoqëria civile dhe opozita kërkuan anulimin e tubimit

Gjatë ditës në Beograd kanë arritur qindra autobusë nga qytetet e Serbisë, por edhe nga shtetet përreth, me të cilët kanë arritur mbështetësit e SNS-së.

SNS-ja e quajti tubimin “Serbia e shpresës”, ndërsa thirrjen për të marrë pjesë në të e bëri presidenti i Serbisë dhe lideri i SNS-së, Aleksandar Vuçiq, përmes deklaratave të tij.

Organizatat e shoqërisë civile dhe opozita kritikuan mbajtjen e tubimit dhe kërkuan anulimin e tij.

Partitë opozitare në Serbi akuzuan partinë e Vuçiqit se ka bërë presion dhe kërcënime ndaj punonjësve të institucioneve shtetërore për të marrë pjesë në tubim. Pushteti hodhi poshtë pretendime të tilla.

Një grup i organizatave të shoqërisë civile i bëri thirrje presidentit të Serbisë, më 23 maj, që të anulojë tubimin, në interes të qetësimit të tensioneve dhe parandalimit të ndarjeve dhe polarizimit të mëtejshëm në shoqëri.

Tubimi po mbahet në të njëjtin muaj kur 18 persona u vranë në dy vrasje masive në Serbi. Të dyshuarit janë arrestuar dhe kanë pranuar krimet.

Si kundërpërgjigje, qeveria rriti sigurinë e shkollave dhe u bëri thirrje qytetarëve që t’i dorëzojnë armët e tyre në polici, pa pasoja. Ministri i Arsimit dha dorëheqjen.

Në protesta, opozita parashtroi kërkesa, ndër të tjera, për dorëheqjen e ministrit të Brendshëm, Bratislav Gashiq dhe drejtorit të Agjencisë për Siguri dhe Informacion (BIA), Aleksandar Vulin.

Më herët, Vuçiq i cilësoi ato protesta si politizimin të tragjedisë.

(Sipas REL)