Këshilli Bashkiak i qytetit veçoi përkushtimin e disa individëve që kontribuan për Kosovën: Imer Kuka, Din Derti dhe Shqipe Biba
Nga Beqir SINA
NEW YORK
Festimi i 15-vjetorit të Pavarësisë së Kosovës , zyrtarisht nisi mbrëmë (e hënë, 13 shkurt 2023,) në New York City Hall – me javën e “Pavarësisë së Kosovës në Amerikë” ku Dhoma e Anëtarëve të Këshillit të Bashkësisë në një ceremoni solemne festoi 15vjetorin e pavarësisë së Republikës së Kosovës.
Kjo ceremoni solemne ishte e organizuar nga Kryetaria e Këshillit të Bashkësisë së New York-ut Adriene Adams dhe këshilltarëve Robert Holden, Borelli, Carr, Valazquez, Feliz dhe Paladino, dhe u mbajt në dhomën e këshillit të Bashkisë New York- City Hall.
Me këtë rast u nderuan me nga një çertifikatë mirënjohje nga Këshilli i Bashkisë së New Yorkut, tre veprimtar të dalluar të komunitetit Din Derti, veprimtar i hershëm i komunitetit, Ymer Kuka, veteran i UÇK-së, dhe Shqipe Biba, gazetare dhe veprimtare e cila me LDK hapi dhe shkollën e parë shqip në Nju Jork, tre dekada më parë.
Gjatë kësaj ceremonie u bë ndarja e proklamata-ve dhe mirënjohjeve për personalitete të caktuara që kontribuan në forma të ndryshme për pavarësinë e Kosovës dhe shtetndërtimin e saj, për të të cilët folën këshilltarët e bashkisë të cilët vendosën në pah edhe veprimtarin dhe kontributin e komunitetit shqiptar në New York.
Prezent në këtë ceremoni festive ishin personalitete të ndryshme, biznesmen, gazetar, aktivist, artist dhe diplomat, duke përfshirë diplomatët e të dy shteteve tona ambasadori RKS-se në New York Dr Blerim Reka, i cili mbajti dhe fjalën e rastit në nderim të pavarësisë së Kosovës, dhe përfaqësuesja e Shqipërisë, Albana Dautllari, si dhe përfaqësues të komunitetit fetar shqiptar, kryetar nga shoqatat të ndryshëme të komunitetit.
Ceremonia e veçantë u mbajt në sallën ku Këshilli bashkiak, i qytetit zhvillon zakonisht seancat, dhe u hap me hyrjen e flamurëve ceremonialë, që u sollën nga pjestarë të Shoqatës së Policve Shqiptar që shërbejn në uniformat e Departamentin e Policisë së Nju Jorkut dhe Nju Xhersit.
Hymnet e Amerikës, Shqipërisë dhe Kosovës
Më pas u bë egzekutimi i të tre hymneve kombëtare , Shteteve të Bashkuara të Amerikës kënduar nga Norah Hetemi – Muhaxherri, ai Shqipërisë nga këngëtari Ilsi Ademi, dhe intonimi i hymnit të Republikës së Kosovës.
Bekimin e ceremonisë solemne të festimit të 15 vjetorit të pavarësisë së Kosovës sipas rotacionit e kreu Imam Tahir Kukaj (Chaplan NYPD) i ishoqëruar nga lutjet e Dom Pjetër Popaj i Kishës Katolike Zoja e Shkodrës, dhe Imam Edin Gjoni nga Xhamia e Kuinsit.
Në sallë ishin dhe disa pjestarë të Batalionit Atlantiku, nga ata që shkuan 24 vjet më parë në Kosovë në vitin 1999 për të luftuar krahas UÇK-së, Kryetari i Batalionit Atlantiku Komandat Gani Shehu , dhe disa ish luftëtar të këtij bataljoni , e anëtar të familjeve të tyre, si dhe ish mbështetës dhe kontribues të Bataljonit Atlantiku dhe UÇK- së.
Mark Gjonaj me një fjalim nderoi në emër të komunitetit shqiptar Batalionin Atlantiku dhe familjen e tre vëllezërve të vrarë Agron, Mehmet dhe Ylli Bytyçi nga Hampton Bay i Nju Jorkut, trupat e të cilëve u gjetën në vitin 2001 në një varr masiv pranë një stacioni policie në Serbi. Autorët e krimit ende mbeten të lirë.
Në prani të njërit nga vëllezërit Ilir Bytyçi, i cili i mbante me zor emocionet, Mark Gjonaj – dha një respekt të veçant i cili u shoqërua me duartrokitje nga të gjithë të pranishmit e ngritur në këmbë, përfshirë , diplomat, klerik edhe anëtarët e këshillit bashkiak të New Yorkut.
“Qysh nga vrasja e tyre, familja Bytyçi ka luftuar që vrasësit të sillen përpara drejtësisë. Drejtësi, kjo është ajo për të cilën kanë nevojë dhe meritojnë të gjitha familjet e viktimave,në Kosovë”, tha Gjonaj
Ish zyrtari i lart shqiptar në asamblen e shtetit të NY, dhe ish këshilltari i bashkisë së NYC, për katër vjet zoti Mark Gjonaj- Kryetar i Këshillit Kombëtar të Diasporës (KKD), qëndron paskuintave si organizator dhe mikëpritës i këtij eventi, i cili shënojë 15 Vjetorin e Pavarsisë së shtetit të Kosovës.
“Në këtë 15-vjetor të Pavarësisë së Kosovës, isha i lumtur që u ktheva në Dhomat e Këshillit të NYC, për të festuar me komunitetin shqiptaro-amerikan. Nuk do ta harrojmë kurrë vuajtjen dhe sakrficën e shqiptarve të Kosovës, dhe me këtë rast të kujtojmë e nderojmë të gjithë ata që luftuan me shekuj dhe sakrifikuan jetën e tyre për lirinë, pavarësinë dhe demokracinë e Kosovës,” tha Mark Gjonaj, i cili edhe e drejtojë këtë ceremoni solemn e mbajtur mbrëm në dhomën e këshillit të Bashkisë New York- City Hall.
“ Nuk kan qenë kot dhe të bekuara 78 ditë bombardime, kundra Serbisë, nuk shkojë “dëmë” gjaku dhe sakrifica sublime e atyre që dhanë jetën për çlirimin dhe lirinë e Kosovës tha Mark Gjonaj, duke uruar “Qoftë kjo drita udhëzuese dhe një forcë e fuqishme lëvizëse për ta çuar Kosovën dhe popullin e saj përpara”
Kjo ceremoni për shënimin e 15- vjetorit se Kosovës shtet, solli për pak orë në Bashkinë e Nju Jorkut forcën dhe dinjitetin e një diaspore të tërë që mban lidhje të forta me vendlindjen. Lidhje këto tashmë janë aq të forta saqë nuk mund të shuhen më.
Flamujt e Shqipërisë dhe Kosovës, këngët e vallet, veshjet folklorike, nga Ansambli Rugova, grupi i valleve Barbana dhe ai Rozafa, interpretimet e këngëtarve të komunitetit (Arbërie Hadërgjonaj) ushqimet dhe embëlsirat tradicionale shqiptare, ishin bukuria e kësaj feste në festimin e 15 vjetorit te Pavarësisë së Shtetit të Kosovës në qytetin e Nju Jorkut
![](https://www.illyria.com/wp-content/uploads/2023/02/330298533_699189671677154_4654447097445932076_n-640x427.jpg)
![](https://www.illyria.com/wp-content/uploads/2023/02/328550050_857107455391672_8459429843694979664_n-640x427.jpg)
![](https://www.illyria.com/wp-content/uploads/2023/02/329427184_959964941656023_1237795747304785616_n-640x427.jpg)
![](https://www.illyria.com/wp-content/uploads/2023/02/329459153_2430310833810366_2985959259572051956_n-640x427.jpg)
![](https://www.illyria.com/wp-content/uploads/2023/02/329605302_1244231799860577_5804353337732346889_n-640x427.jpg)
![](https://www.illyria.com/wp-content/uploads/2023/02/329768396_735586337970579_8180407112937251572_n-640x412.jpg)
![](https://www.illyria.com/wp-content/uploads/2023/02/329777044_3453795361508816_3295790067845508714_n-640x427.jpg)
![](https://www.illyria.com/wp-content/uploads/2023/02/329889338_1242529416664019_6455175439082477476_n-640x427.jpg)
![](https://www.illyria.com/wp-content/uploads/2023/02/329930991_529350889330710_8374336672972618534_n-640x432.jpg)
![](https://www.illyria.com/wp-content/uploads/2023/02/329955756_594501405444428_7478004437424955565_n-640x427.jpg)
![](https://www.illyria.com/wp-content/uploads/2023/02/329956739_579562304052295_4278437694518679587_n-640x420.jpg)
![](https://www.illyria.com/wp-content/uploads/2023/02/329988333_961307458195512_1742038441095934071_n-640x427.jpg)
![](https://www.illyria.com/wp-content/uploads/2023/02/329994036_569752121866251_6446547632514090568_n-640x427.jpg)
![](https://www.illyria.com/wp-content/uploads/2023/02/330008212_708404097631979_2968559780812711654_n-640x427.jpg)
![](https://www.illyria.com/wp-content/uploads/2023/02/330174782_525760059540131_618472584561509853_n-640x426.jpg)
![](https://www.illyria.com/wp-content/uploads/2023/02/330280614_1836361273403650_1823062379635039845_n-640x480.jpg)
![](https://www.illyria.com/wp-content/uploads/2023/02/330282960_910535606810932_4008293058205128858_n-640x427.jpg)
![](https://www.illyria.com/wp-content/uploads/2023/02/330288948_507228761595779_8121775946412215986_n-640x926.jpg)
![](https://www.illyria.com/wp-content/uploads/2023/02/330296586_908069153575272_2542236393616437514_n-640x427.jpg)
![](https://www.illyria.com/wp-content/uploads/2023/02/330302669_926311308369433_6439624283168907831_n-640x420.jpg)
![](https://www.illyria.com/wp-content/uploads/2023/02/330308570_526266222944499_8256202007965094249_n-640x427.jpg)
![](https://www.illyria.com/wp-content/uploads/2023/02/330308572_870255364084199_214063754206987620_n-640x427.jpg)
![](https://www.illyria.com/wp-content/uploads/2023/02/330308631_1349450859190452_344277190931546239_n-640x853.jpg)
![](https://www.illyria.com/wp-content/uploads/2023/02/330344550_539326458019179_9187005593362673408_n-640x427.jpg)
![](https://www.illyria.com/wp-content/uploads/2023/02/330351584_5809704539107720_8214336755828599574_n-640x427.jpg)
![](https://www.illyria.com/wp-content/uploads/2023/02/330358708_715487020054960_7404362332145396087_n-640x427.jpg)
![](https://www.illyria.com/wp-content/uploads/2023/02/330386778_568360821672476_7787192481348921287_n-640x427.jpg)
![](https://www.illyria.com/wp-content/uploads/2023/02/330389897_2345596985614649_5351038407814912907_n-640x427.jpg)
![](https://www.illyria.com/wp-content/uploads/2023/02/330394603_526023706341143_3192426352022770947_n-640x427.jpg)
![](https://www.illyria.com/wp-content/uploads/2023/02/330395430_6193981154004166_7472142464540291990_n-640x480.jpg)
![](https://www.illyria.com/wp-content/uploads/2023/02/330445748_739380187833885_935375286947377949_n-640x427.jpg)
![](https://www.illyria.com/wp-content/uploads/2023/02/330604697_496135809376261_6977588687741138936_n-640x427.jpg)
![](https://www.illyria.com/wp-content/uploads/2023/02/330622287_518568760375984_4482854581945507435_n-640x643.jpg)
![](https://www.illyria.com/wp-content/uploads/2023/02/330918240_995911798461543_4153837069808834994_n-640x447.jpg)
![](https://www.illyria.com/wp-content/uploads/2023/02/330926984_1281625232415754_8360090132934924888_n-640x427.jpg)