Tiranë, 9 maj 2025 – Dy ditë para zgjedhjeve parlamentare në Shqipëri, ambasada e Shteterve të Bashkuara të Amerikës në Tiranë iu drejtua përsëri të premten të gjithë votuesve shqiptarë me një mesazh për zgjedhjet.
Në mesazhin e përcjellë përmes rrjetit social Facebook, ambasada amerikane edhe një herë u bëri thirrje votuesve që të votojnë sipas bindjes së tyre dhe jo sipas bindjeve të dikujt tjetër. Ajo thekson se vota e lirë “nuk kas çmim”.
“Vota jote është zëri yt. Vota jote është e ardhmja jote. Vota jote nuk ka çmim”, thuhet në mesazhin e ambasadës amerikane.
Edhe dy ditë më parë, ambasada amerikane u bëri thirrje votuesve shqiptarë që të votojnë sipas bindjes së tyre, lirisht dhe pa frikë.
“Mos lejo të tjerët të flasin për ty. Vota jote është vetëm e jotja. Voto pa frikë”, thuhej në mesazhin e publikuar të mërkurë.
(r.m.)