Nju Jork, 29 qershor 2026 – Dr. Elmi Berisha është rizgjedhur kryetar i Federatës “Vatra”, në Kuvendin Zgjedhor të mbajtur të shtunën, më 27 qershor 2026.
Në faqen zyrtare të gazetës “Dielli” në Facebook njoftohet se Dr. Berisha i ka marrë votat e 22 delegatëve të Kuvendit, Dr. Pashko Camaj i ka marrë 8 vota dhe Adriatik Spahiu i ka marrë 4 vota nga 34 delegatë. Kandidati i katërt për kryetar, Dritan Haxhia, e ka tëhequr kandidaturën para se të votohej.
Përpara votimit, në Kuvend është shfaqur një dokumentar 40 minutësh për veprimtarinë atdhetare, kulturore, patriotike e komunitare të federatës.
Më pastaj, katër kandidatët për kryetar i kanë prezantuar para delegatëve të Kuvendit platformën dhe programin e tyre për zhvillimin e federatës dhe të organit të saj, gazetës “Dielli”
Pas fitores Dr. Berisha I ka falënderuar delegatët e Kuvendit për besimin e dhënë dhe ka theklsuar se “Vatra” do të jetë në shërbim të kombit dhe komunitetit shqiptar në SHBA.
Kuvendi zgjedhor i “Vatrës” i ka miratuar me shumicë votash edhe disa ndryshime kanunore të federatës, me qëllim të përcaktimit të qartë të funksioneve dhe përgjegjësive të federates dhe të organeve drejtuese të saj.
(r.m.)