Tiranë, 6 shtator 2022 – Ambasadorja e BE-së në Shqipëri, Christiane Hohmann, është takuar të martën me kreun e Gjykatës Speciale Kundër Krimit të OrganIzuar e Korrupsionit, SPAK, Arben Kraja, dhe me ministrin e Drejtësisë, Ulsi Manja.
Në një reagim në “Twitter”, ambasadorja Hohman ka theksuar se sundimi i ligjit është shtylla kryesore se rrugës së Shqipërisë drejt BE-së.
“Takime të rëndësishme sot me Ministrin e Drejtësisë Ulsi Manja dhe kreun e SPAK Arben Kraja. Sundimi i ligjit përbën shtyllën kryesore në rrugën e Shqipërisë drejt BE-së. Konsolidimi i reformës në drejtësi duhet të shkojë përpara. Synimet kyçe mbeten pavarësia dhe integriteti i institucioneve të drejtësisë, gjykata efikase dhe rezultate në luftën kundër krimit të organizuar dhe korrupsionit të nivelit të lartë, në mënyrë që qytetarët të ndihen më të sigurt dhe t’u besojnë institucioneve të tyre të drejtësisë. BE-ja është këtu për t’ju mbështetur në këtë rrugë sfiduese,” shkruan ambasadorja e BE-së Christiane Hohmann.
https://twitter.com/EUAmbAL/status/1567173129578881029?ref_src=twsrc%5Etfw
(r.m.)