Prishtinë, 18 janar 2023 – Serbia vazhdon me veprimet e saj ushtaraske që kërcënojnë me luftë Kosovën.
Kryeministri i Kosovës, Albin Kurti, gjatë vizitës në SHBA, kishte paralajmëruar rrezikun e provokimit të konfliktit nga Serbia. Ai kishte thënë se Serbia i ka vendosur pranë kufirit të Kosovës 48 baza operuese ofensive; 28 baza ushtarake dhe 20 baza të xhandarmërisë.
Analisti boshnjak Jasmin Mujanoviq kapublikuar në Twitter dokumente ku shihen saktësisht vendndodhjet e bazave operuese ofensive të Serbisë afër kufirit me Kosovën.
“Kam marrë një sërë dokumentesh që ofrojnë një përshkrim të detajuar të pranisë së Rusisë në arkitekturën politike e të sigurisë së Serbisë, pretendimet se Rusia është duke trajnuar forcat speciale në Serbi, por edhe në entitetin e Republikës Serbe në Bosnjë e Hercegovinë + vendndodhjet e dhjetëra objekteve ushtarake serbe përgjatë kufirit të Kosovës”, shkruan Mujanoviq.
I’ve received a set of docs providing a detailed account of Russia’s presence w/in the political/security architecture of Serbia, claims of Russia training special forces in SRB but also BiH’s RS entity + locations of dozens of Serbian military sites along the Kosovo border. pic.twitter.com/AkYGBekzuy
— Jasmin Mujanović (@JasminMuj) January 17, 2023
Kryeministri i Kosovës, Albin Kurti, ka përsëritur shumë herë se Serbia dhe Rusia kërcënojnë paqen në Kosovë dhe në rajon.
(r.m.)