Bruksel, 22 maj 2023 – Greqia reagoi menjëherë pas vendimit të Gjykatës së Posaçme Kundër Korrupsionit dhe Krimit të Organizuar (GJKKO) për vazhdimin e masës së paraburgimit për kryebashkiakun e zgjedhur të Himarës, Fredi Beleri.
Ministria e Jashtme greke e ka cilësuar vendimin e sotëm të gjykatës si “ofendim të ndjenjës së drejtësisë” dhe të “shtetit të së drejtës”.
“Zgjatja e paraburgimit për Fredi Belerin, tashmë i zgjedhur Kryetar i Bashkisë së Himarës, ofendon ndjenjën e drejtësisë së publikut dhe perceptimin evropian të shtetit të së drejtës”, thuhet në deklaratën e Ministrisë së Jashtme të Greqisë, të shpërndarë pasdite në Tëitter.
Çështjen e Belerit, i cili u arrestua dy ditë para zgjedhjeve, nën akuzën për blerje votash, e ka ngritur edhe ministri i Jashtëm grek, Nikos Dendias, në një takim të tij me homologen e tij shqiptare, Olta Xhaçka, në Bruksel, në margjina të takimit tëministrave të Jashtëm të vendeve të BE-së me ministrat e Jashtëm të vendeve të Ballkanit Perëndimor.
Disa orë pas takimit, Dendias postoi në TWitter një njoftim të shkurtër, ku nuk jepet informacion për përmbajtjen e bisedës.
‘Në margjinat e takimit të sotëm BE-FAC në Bruksel u takova me homologen e Shqipërisë, Olta Xhaçka. Gjatë diskutimit u ngrit edhe çështja që ka të bëjë me kryetarin e zgjedhur të Bashkisë së Himarës, Fredi Beleri”, ka shkruar Dendias.
On the sidelines of today’s #EU #FAC Meeting in #BrusselsI I met with #Albania counterpart @hacka_olta. Τhe issue concerning the elected Mayor of Himare, Fredi Beleri, was raised during the discussion. pic.twitter.com/FrBCPLiW5g
— Nikos Dendias (@NikosDendias) May 22, 2023
Ndërkaq, ministrja Xhaçka, në postimin e saj, ka thënë se zotit Dendias, të cilin e ka quasjtur “mik i mirë”, ia ka bëtë të qartë se kjo është çështje e gjykatës.
“Takimi me kolegun dhe mikun tim të mirë, ministrin e Jashtëm të Greqisë, Nikos Dendias, në Bruksel ishte një rast i mirë për ta diskutuar në mënyrë të sinqertë çështjen e zotit Beleri. Bëra të qartë se kjo është një çështje gjyqësore që nuk duhet të ndikojë në faqen e re që kemi hapur në marrëdhëniet tona dypalëshe”, ka shkruar Xhaçka.
Më herët, në disa raste, autoritetet greke, përfshirë edhe kryeministrin Kyriakos Karamanlis, kanë paralajmëruar se arrestimi i Belerit mund të çojy në përdorimin e vetos greke në procesin e anëtarësimit të Shqipërisë në Bashkimin Evropian.
(r.m.)