Bruksel, 12 korrik 2023 – Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka deklaruar se e mirëpret përkushtimin e Kosovës për shtendosjen e situatës në pjesën veriore të vendit.
Borrell ka thënë se pret që Kosova të ndërmarrë edhe hapa të tjerë pozitivë për shtendosje dhe vazhdimin e dialogut për normalizim të marrëdhënieve mes Kosovës e Serbisë.
“E mirëpres përkushtimin e Kosovës ndaj marrëveshjes që arritëm në hapat e parë për deeskalim. Presim që Kosova të ndërmarrë hapa të mëtejshëm pozitivë dhe të vazhdojë të përparojë në këtë drejtim. Ne do të vazhdojmë të punojmë me palët në dialogun e lehtësuar nga BE-ja, bashkë me Miroslav Lajçakun”, ka shkruar Borrell në Tëitter.
I welcome Kosovo's commitment to the arrangement we reached on first steps for deescalation. We expect #Kosovo to take further positive steps and continue to advance in this direction.
— Josep Borrell Fontelles (@JosepBorrellF) July 12, 2023
We will carry on working in the EU-facilitated dialogue with the parties with @miroslavlajcak
Më 10 korrik, Kosova dhe BE-ja arritën pajtim për masat e para për shtendosjen e situatës në pjesën veriore të vendit. Tërheqja e pjesshme e policisë së Kosovës nga ndërtesat e komunave veriore dhe nga hapësirat përreth dhe pajtimi për mnbajtjen e zgjedhjeve të jashtëzakonshme në katër komunat veriore janë hapat e parë për shtendosje.
Serbët po kërkojnë tërheqjen e plotë të njësive speciale të Policisë së Kosovës dhe të kryetarëve të rinj nga ndërtesat e komunave.
(r.m.)