Londër, 17 gusht 2022 – Emisari i Britanisë së Madhe për Ballkanin Perëndimor, Sir Stuart Peach, të martën ka zhvilluar bisedë telefonike me kryeministrin e Kosovës, Albin Kurti dhe me presidentin e Serbisë, Aleksadar Vuçiq.
Ambasada britanike në Kosovë njoftoi se z. Peach u ka thënë dy udhëheqësve se në takimin e tyre në Bruksel duhet të vënë në rend të parë qytetarët e tyre.
“Përfaqësuesi Special i Britanisë së Madhe për Ballkanin Perëndimor, Sir Stuart Peach, ka folur dje me kryeministrin e Kosovës dhe presidentin e Serbisë, duke shprehur shqetësimin e Britanisë për rritjen e tensioneve dhe për gjuhën e përdorur në ditët e fundit. Liderët tash kanë mundësi dhe përgjegjësi që në bisedimet në Bruksel të vënë qytetarët e tyre në rend të parë, të ndërtojnë më tepër në përparimet e bëra në dialog deri më tash dhe të bëjnë hapa më të mëdhenj drejt normalizmit të marrëdhënieve”, ka shkruar në Twitter Ambasada e Britanisë së Madhe në Kosovë.
UK Western Balkans Special Envoy, Sir Stuart Peach, spoke yesterday to the Kosovo Prime Minister and Serbian President, underlining UK concern at the rise in tensions and heated language of recent days. 1/2
— UK in Kosovo 🇬🇧 (@UKinKosovo) August 17, 2022
(r.m.)