Conde Nast Traveler, një revistë shumë e njohur për udhëtime, e ka përfshirë Kosovën në listën e vendeve më të bukura në Evropë që duhet të vizitohen gjatë vitit 2024.
Përzgjedhja e vendeve evropiane u bë sipas sugjerimeve të ekspertëve të revistës që i kanë vizituar vendet ë ua sugjerojnë edhe të tjerëve.
“Kosovës së vogël i mungojnë plazhet mahnitëse të Shqipërisë dhe resortet luksoze të Malit të Zi, por shteti më i ri i Evropës ka maja të mrekullueshme, pejzazhe mahnitëse dhe mikpritje që të ngroh zemrën, një kombinim ideal për ecje shumëditore dhe për udhëtime me biçikletë”, shkruan Naomi Tomky.
Ajo i përshkruan bukuritë natyrore të Kosovës, duke veçuar Bjeshkët e Nemuna, pejzazhet e maleve dhe kullosave të zones së Rugovës, burin dhe ujëvarën e Drinit të Bardhë, shpellën e Radacit, rrjedhën e Lumbardhit, etj.
Conde Nast Traveler e afirmon edhe shtegun e ri të çiklizmit Trans Dinarica që pritet të hapet në vitin 2024, duke bërë të ditur se ky shteg do të lidhë destinacione të ndryshme të bukura në Kosovë.
Revista e lavdëron edhe ushqimin tradicional shqiptar, duke theksuar se flija është një ushqim që duhet ta provojnë të gjithë vizitorët.
Nuk është hera e parë që Kosova përfshihet në listat e vendeve të rekomanduara për vizitë, pasi mediume të tjera, si The Guardian, kanë promovuar Kosovën si destinacionin e ardhshëm për turistët.
Presidentja e Kosovës Vjosa Osmani, dhe Kryeministri Albin Kurti e kanë shpëndarë në rrjetin social X shkrimin e revistës. Conde Nast Traveler.
Presidentja Osmani u bëri thirrje të gjithë dashamirësve të udhëtimeve që ta vizitojnë Kosovën.
Kosovo’s hidden treasures, untouched valleys and stunning mountains have made it to @CNTraveler’s Best Places to Go in Europe in 2024!
— Vjosa Osmani (@VjosaOsmaniPRKS) December 6, 2023
We invite you to experience the breathtaking beauty our country has to offer, and the exceptional hospitality of the people of Kosovo! 🇽🇰 pic.twitter.com/rdwKl1wkLE
Edhe Kryeministri Kurti e ka shfrytëzuar rastin të afirmojë ofertën turistike të Kosovës.
“Mezi presim t’i tregojmë botës se çfarë mund të ofrojë vendi ynë”, shkroi Kurti.
"Europe’s newest country has sky-scraping peaks, pastoral countryside, and heart-warming hospitality." Proud to see Kosova named by @CNTraveler as one of Europe's top destinations in 2024. We look forward to showing the world what our country has to offer.https://t.co/sDaCoH9ylB
— Albin Kurti (@albinkurti) December 6, 2023
Revista Conde Nast Traveler u sugjeroi lexuesve të saj edhe disa vende të tjera në Evropë që duhet vizituar gjatë vitit 2024.
(r.m.)