Delegacioni i BE-së shpreh shqetësimin për aktet e dhunës gjatë protestës së opozitës në Tiranë - ILLYRIA

Tiranë, 1 mars 2026 – Delegacioni i BE-së në Tiranë ka reaguar në rrjetet sociale lidhur me protestën e opozitës që u mbajt të shtunën në Tiranë.

Delegacioni i Bashkimit Evropian thekson se e drejta për tubim paqësor është një shtyllë themelore e çdo shoqërie demokratike, por shpreh shqetësimin për disa akte dhunë gjatë protestës. Delegacioni u bën thirrje aktorëve politikë që të tregojnë vetëpërmbajtje.

“Delegacioni i BE-së shpreh shqetësim për aktet e fundit të dhunës në Tiranë, të cilat rrezikuan jetë njerëzish. Delegacioni i BE-së u bën thirrje aktorëve politikë të tregojnë vetëpërmbajtje. Ne mbështesim angazhimin konstruktiv në funksion të reformave të rëndësishme në rrugën e Shqipërisë drejt Bashkimit Evropian”, thuhet në reagim.

The EU Delegation recalls that the right to peaceful assembly is a fundamental pillar of any democratic society. It must be exercised responsibly, in full respect of the rule of law and the safety of all individuals.

In this context, the EU Delegation expresses concern over…
— EU in Albania (@EUinAlbania) March 1, 2026

Deklarata e plotë:

Delegacioni i Bashkimit Evropian thekson se e drejta për tubim paqësor është një shtyllë themelore e çdo shoqërie demokratike. Ajo duhet të ushtrohet me përgjegjësi, në respekt të plotë të sundimit të ligjit dhe të sigurisë së të gjithë individëve.

Në këtë kontekst, Delegacioni i BE-së shpreh shqetësim për aktet e fundit të dhunës në Tiranë, të cilat rrezikuan jetë njerëzish.

Delegacioni i BE-së u bën thirrje aktorëve politikë të tregojnë vetëpërmbajtje. Ne mbështesim angazhimin konstruktiv në funksion të reformave të rëndësishme në rrugën e Shqipërisë drejt Bashkimit Evropian.

(r.m.)