Paris, 7 shkurt 2026 – Xhudistja kosovare Distria Krasniqi e ka fituar medaljen e artën në Grand Slamin e Parisit në kategorinë deri në 52 kilogramë.
Krasniqi e arriti këtë sukses pasi i mposhti xhudistet më të mira në kategorinë e saj.
Krasniqi e kaloi raundin e parë pa lojë, për shkak të renditjes së saj në botë. Në raundin e dytë, ajo e mundi francezen Alicia Marques, në një duel të cilin e dominoi plotësisht.
Në duelin e çerekfinales, Krasniqi e mundi brazilianen Larissa Pimenta, në një përballje mjaft të vështirë. Ajo fitoi pikë në kohën shtesë dhe u kualifikua në gjysmëfinale.
Në raundin gjysmëfinal, Krasniqi e mposhti francezen Amandine Buchard. Ajo e mori një pikë që në fillim të duelit dhe epërsinë ndaj rivales e ruajti deri në fund.
Ndërkaq në duelin e finales Distria e mundi spanjollen Ariane Toro Soler. Ajo e rrëzoi kundërshtaren spanjolle me Ippon, për më pak se 10 sekonda,.
Kjo është medalja e nëntë e Distria Krasniqit në Grand Slamin e Parisit.
Trajneri Driton Kuka e ka përgëzuar Distrian për fitoren e medaljes së artë.
“Grand Slam Paris prapë flet shqip. Ndjenjë e veçantë Parisi!”, ka shkruar Kua në rrjetet sociale.
(r.m.)