Beograd, 30 prill 2024 – Mandati për formimin e qeverisë së re të Serbisë, Millosh Vuçeviq, e ka propozuar të martën përbërjen e kabinetit të tij qeveritar.
Në këtë përbërje gjenden edhe dy të sanksionuar nga Shtetet e Bashkuara të Amerikës për lidhjet e tyre me Rusinë: Aleksandar Vulin dhe Nenad Popoviq. Vulin do të jetë zëvendës-kryeministër, ndërsa Popoviq është propozuar për ministër pa portofol.
Ministri i Jashtëm në qeverinë e re të Serbisë do të jetë Marko Gjuriq, ish-ambadasor i Serbisë në SHBA, ndërsa ministri i Jashtëm i deritashëm, Ivica Daçiq, do të jetë zëvendëskryeministër dhe ministër i Brendshëm.
Ministër i Mbrojtjes do të mbetet edhe më tutje Bratislav Gashiq.
Vuçeviq tha se kryetares së Kuvendit të Serbisë, Ana Bërnabiq, do t’i kërkojë që për të enjten, më 1 maj, të thërrasë seancën në të cilën do ta paraqesë ekspozenë, planin e punës dhe propozimin për përbërjen e Qeverisë së re.
Përbërja e qeverisë së re të Serbisë që do të votohet në Kuvend:
Sinisha Mali, zëvendëskryeministër i parë dhe ministër i Financave;
Ivica Daçiq, zëvendëskryeministër dhe ministër i Brendshëm;
Irena Vujoviq, Zëvendëskryeministre dhe ministre e Mbrojtjes së Mjedisit;
Aleksandar Vulin, zëvendëskryeministër;
Andrijana Mesareviq, ministre e Ekonomisë;
Tomisilav Momiroviq, ministër i Tregtisë së Brendshme dhe të Jashtme;
Aleksandar Martinoviq, ministër i Bujqësisë, Pylltarisë dhe Menaxhimit të Ujërave;
Jelena Zhariq Kovaçeviq, ministre e Administratës Shtetërore;
Goran Vesiq, ministër i Ndërtimit dhe Infrastrukturës;
Dubravka Gjedoviq, ministre e Minierave dhe Energjisë;
Maja Popoviq, ministre e Drejtësisë;
Tomislav Zhigmanov, ministër për të Drejtat e Njeriut;
Bratislav Gashiq, ministër i Mbrojtjes;
Tanja Mishçeviq, ministre për Integrime Evropiane;
Marko Gjuriq, ministër i Punëve të Jashtme;
Zlatibor Lonçar, ministër i Shëndetësisë;
Nemanja Staroviq, ministër i Punës dhe Punësimit;
Zoran Gajiq, ministër i Sportit,
Milan Krkobabiq, ministër për Kujdesin e Fshatit;
Milica Gjurgjeviq – Stamenkovski, ministre për Çështje të Familjes dhe Demografi;
Nikola Selakoviq, ministër i Kulturës;
Jelena Begoviq, ministre e Shkencës;
Husein Memiq, ministër i Turizmit dhe Rinisë;
Dejan Ristiq, ministër i Informacionit;
Darko Glishiq, ministër për Investime Publike;
Novica Tonçev, Gjorgje Miliçeciq, Nenad Popoviq, Usame Zukorliq dhe Tatjana Matsura, ministra pa portofol.
Përbërja e qeverisë së re të Serbisë është miratuar nga kryesia e partisë Srpska Napredna Stranka – SNS (Partia Përparimtare Serbe) të Presidentit të Serbisë, Aleksandar Vuçiq, drejtimin e së cilës Vuçiq ia ka deleguar Vuçeviqit.
(r.m.)