Baltimore (Marilend), 2 korrik, 2023 – Dy persona mbetën të vrarë dhe 28 të tjerë u plagosën si pasojë e të shtënave masive gjatë një feste të banorëve të një lagjeje në qytetin Baltimore të Merilendit, ndërsa gdhihej e diela, njoftuan autoritetet.
Tre prej të plagosurve ndodhen në gjendje kritike për jetën.
Të shtënat u regjistruan në orën 12.30 pas mesnate në zonën Brooklyn Homes, në pjesën veriore të qytetit, thanë autoritetet.
Dy të vrarët dhe të gjithë personat e lënduar ishin të rritur.
Tetë prej të lënduarve u transportuan me ambulancë ndërsa 20 të tjerë shkuan vetë në spital.
Një 18-vjeçare u gjet e vdekur në vendngjarje ndërsa një 20 vjeçar u njoftua se kishte ndërruar jetë pak pasi mbërriti në spital, tha policia.
Deri më tani nuk ka të arrestuar për ngjarjen.
(Zëri i Amerikës)