Los Angeles, 11 dhjetor 2023 – Filmi “Barbie” është në krye të listës së nominimeve për çmimet “Globi i Artë” (Golden Globe) të Hollivudit, pasi u nominua në nëntë kategori, duke e lënë mbrapa dramën historike “Oppenheimer”, me tetë nominime.
Ndër të tjera, “Barbie” i regjisores Greta Gerwing do të garojë për komedinë apo filmin më të mirë muzikor, karsgi filmave “American Fiction”, “The Holdovers” e të tjerë.
“Oppenheimer”, ndër të tjera, është nominuar edhe për filmin më të mirë dramë.
Edhe “Killers of the Flower Moon” dhe “Poor Things” janë në mesin e favoritëve, të dy me nga shtatë nominime.
Emma Stone, Leonardo DiCaprio, Cillian Murphy dhe Da’Vine Joy Randolph janë në mesin e aktorëve të nominuar për Globin e Artë.
Fituesit do të shpallet në një ceremoni solemne më 7 janar.
Filmat më të nominuar:
- Barbie, 9 nominime
- Oppenheimer, 8 nominime
- Killers of the Flower Moon, 7 nominime
- Poor Things, 7 nominime
- Past Lives, 5 nominime
- May December, 4 nominime
- Anatomy of a Fall, 4 nominime
- Maestro, 4 nominime
(r.m.)